黃金車仔麵 (已結業)

经过见新开左呢间黄金车仔面，新开张干净又整齐，啱晒喜欢尝新嘅我，一于进入帮衬下先.喜欢食车仔面，可配搭自己想食嘅食物。今晚我就点左，煮得好淋又入味的猪手、牛筋同猪软骨，金菇菜、咖哩鱼蛋配菠菜面，加埋香麻辣汁，汤底够晒味。家人叫了卤水大什面配日式拉面，共有6款𩠌，啱晒咩都想食嘅佢，佢话萝卜清甜冇渣, 其他食材都烹调得很入味，大满足㖞。红油抄手，馅料是新鲜的猪肉韮菜，红油麻辣味很好吃。骨汤菜心，翠绿又健康。热咖啡、柠檬茶只需加几元，都真系抵食呀。