極之好粥麵茶餐廳 (已結業)

昨日要帮阿K去旺角拎电脑，好彩已经有秋意，所以虽然旺角仍然人头涌涌，但都唔系太辛苦。旺角虽然多食肆，但系个人就好少到呢度食嘢。行经呢间舖头，阿K发现呢度声称系出前一丁厨神，宣传街招印上招牌菜「黄金鸡翼炒出前一丁」相当吸引，所以就放胆一试。「黄金鸡翼」即系煎到金黄色嘅鸡翼，外表冇错系煎得几香脆，无疑系几好味嘅，值得一赞，可惜炒出前一丁就犯左大忌–唔够干身。其实问题出现在出前一丁同D菜一齐炒，D菜出水整湿左个面身。我想如果将菜预先兜几下，另一方面将出前一丁煮熟「鲸」干，然后落wok炒，最后先落菜兜匀上碟，效果可能会更佳。我加左杯冻柠宾，总共$50，茶餐厅黎讲都几贵。