影片
更多
2018-10-09
134 浏览
渣甸街近来非常热闹，因为好多台式珍珠奶茶进驻～令到平时唔多人嘅街突然好似雨后春笋一样开咗好多小食同埋台式饮料店～记得几个月前呢间老虎堂新开～风头一时无两～个个都话要等成至少一个钟先可以饮到～港女如我虽然好想试，但系又唔想大热天时去排队，所以一直都无去试到，只系成日得个讲字～踏入十月，终于秋凉！机会来啦！揾个星期日早少少去铜锣湾睇下系咪会少啲人先～皇天不负有心人（到底你有心在那里...)只系得十几人排队买！比起平时嘅人龙少好多！唔理！立即去马！叫杯虎虎生风厚鲜奶先~本来想叫佢招牌嘅珍珠奶茶，但系又比呢杯黑糖波霸+珍珠嘅虎虎生风厚鲜奶吸引咗～佢写到明有鲜奶又有奶霜～好迷幻～而且我个人又钟意重奶味，所以就叫呢 杯啦～大约等咗十五分钟就有得饮啦～系counter度有教你点饮嘅～首先系相机食先，之后上下摇动15下就可以啦点解叫老虎堂呢就系因为佢个黑糖会系杯嘢饮度撞出一条条嘅虎纹..似唔似虎纹呢就见仁见智....可能我呢杯要加多少少幻想力先觉得佢系虎纹啦～不过唔紧要！最紧要系好唔好味～摇咗15下之后试一口奶茶，黑糖味好重，觉得比较偏甜～店家话自己系用日本明治鲜奶～呢只鲜奶本身奶味比较淡～所以可以突
记得几个月前呢间老虎堂新开～风头一时无两～个个都话要等成至少一个钟先可以饮到～港女如我虽然好想试，但系又唔想大热天时去排队，所以一直都无去试到，只系成日得个讲字～
踏入十月，终于秋凉！机会来啦！揾个星期日早少少去铜锣湾睇下系咪会少啲人先～皇天不负有心人（到底你有心在那里...)只系得十几人排队买！比起平时嘅人龙少好多！唔理！立即去马！
叫杯虎虎生风厚鲜奶先~本来想叫佢招牌嘅珍珠奶茶，但系又比呢杯黑糖波霸+珍珠嘅虎虎生风厚鲜奶吸引咗～佢写到明有鲜奶又有奶霜～好迷幻～而且我个人又钟意重奶味，所以就叫呢 杯啦～
大约等咗十五分钟就有得饮啦～系counter度有教你点饮嘅～首先系相机食先，之后上下摇动15下就可以啦
虎虎生风厚鲜奶
$30
46 浏览
1 赞好
0 留言
点解叫老虎堂呢就系因为佢个黑糖会系杯嘢饮度撞出一条条嘅虎纹..似唔似虎纹呢就见仁见智....可能我呢杯要加多少少幻想力先觉得佢系虎纹啦～不过唔紧要！最紧要系好唔好味～
摇咗15下之后试一口奶茶，黑糖味好重，觉得比较偏甜～店家话自己系用日本明治鲜奶～呢只鲜奶本身奶味比较淡～所以可以突出返个黑糖味～有个中和感～另外值得一提系佢成杯嘢做得饮落比较有质感唔系水稀稀嘅感觉～呢样值得一赞，如果唔系好易会变成奶水咁样好奇怪～
之后试一试佢嘅波霸加珍珠～虽然佢之前被踢爆唔系手工炒珍珠，但系我觉得啲珍珠粒粒都好重黑糖味同埋好烟un！overall成杯嘢比较偏甜少少，但系间唔中一杯都唔错！
相比之下，隔离幸福堂唔知点解反而无咩人饮...下次试下隔离嘅幸福奶茶先~
张贴
