影片
更多
2023-06-24
3638 浏览
讲到近期最HIT嘅cafe一定系呢间！连平日晏昼到访都要排一个钟。餐厅店面几大，楼底够高几寛敞舒适，门口仲有个仙人掌伴漂浮云朵打卡位。除左主打嘅日式刨冰、联乘THE BAKERISM嘅独家限定甜品，咸点小食亦系诚意之作。绝对系回头之选！▪️芋泥芋圆牛乳刨冰 $98完全系为左呢个冰而黎！面头有一大pat芋泥，入口几香芋头味，保留左啲芋头蓉同芋头粒，不过质地较黏稠 唔似平时个啲咁顺滑。估唔到食到中间都仲有芋圆同芋泥！芋圆意外都唔会变到好硬，相当烟韧，不过芋香偏淡。刨冰以日本直送冰砖制成，口感绵密，每一啖都好香甜，唔会话食到底就无晒味~▪️特级浓厚黑芝麻刨冰 $128估唔到呢个更有惊喜！食到中间竟然有软滑浓郁嘅黑芝麻雪糕！由头食到尾都好重黑芝麻味！入面仲有蕨饼增添口感，有咬口得黎唔会太韧。▪️大阪烧 酸种面包 $138酸种面包烘得超酥脆，配埋椰菜丝、酸甜酱汁同沙律酱，味道十足大阪烧！面头两粒带子超大超厚肉，煎得岩岩好，口感软嫩。炸虾香脆唔油腻，唯独粉浆偏厚。想打卡仲可以加$15要只太阳蛋~▪️腐乳卡邦尼意粉 $118呢款就相对失色，食落比较似一般有加忌廉嘅carbonara，腐乳味较淡。胜在意粉软硬
除左主打嘅日式刨冰、联乘THE BAKERISM嘅独家限定甜品，咸点小食亦系诚意之作。绝对系回头之选！
▪️芋泥芋圆牛乳刨冰 $98
完全系为左呢个冰而黎！面头有一大pat芋泥，入口几香芋头味，保留左啲芋头蓉同芋头粒，不过质地较黏稠 唔似平时个啲咁顺滑。估唔到食到中间都仲有芋圆同芋泥！芋圆意外都唔会变到好硬，相当烟韧，不过芋香偏淡。刨冰以日本直送冰砖制成，口感绵密，每一啖都好香甜，唔会话食到底就无晒味~
▪️特级浓厚黑芝麻刨冰 $128
估唔到呢个更有惊喜！食到中间竟然有软滑浓郁嘅黑芝麻雪糕！由头食到尾都好重黑芝麻味！入面仲有蕨饼增添口感，有咬口得黎唔会太韧。
▪️大阪烧 酸种面包 $138
酸种面包烘得超酥脆，配埋椰菜丝、酸甜酱汁同沙律酱，味道十足大阪烧！面头两粒带子超大超厚肉，煎得岩岩好，口感软嫩。炸虾香脆唔油腻，唯独粉浆偏厚。想打卡仲可以加$15要只太阳蛋~
▪️腐乳卡邦尼意粉 $118
呢款就相对失色，食落比较似一般有加忌廉嘅carbonara，腐乳味较淡。胜在意粉软硬适中，裹满creamy酱汁，另加$15嘅水波蛋增添左唔少蛋香。
▪️芝士咖喱和牛肉酱薯条 $68
薯条无论味道同口感都十足薯格，斋食都好香口。加埋甜甜地微辣嘅咖哩肉酱，更惹味
▪️Canelé Affogato $88
无晒单点嘅Canelé，唯有嗌个Canelé affogato试试 @thebakerism 嘅岀品~ 可丽露外层(无掂到雪糕嘅个啲位)都几香脆，内𥚃湿润烟韧，焦糖香几岀~ 雪糕软滑富奶香，加埋香浓嘅espresso，基本上系不败组合。中间仲有超多脆脆同Canelé，好足料！但建议大家尽快食，如果唔系好大机会腍晒
▪️青提梳打 $40
望落平平无奇，一啜又有惊喜！好多果肉好香果味，即使无嗌少甜，甜度都ok㖞~
张贴
