影片
更多
2022-06-01
271 浏览
Nez Wine Bistro 朋友生日，想饮啲酒庆祝吓，又想坐低倾吓计，放工喺中环H Code，见到有间新嘅餐厅，一于试吓新野。装修风格都系以黑金色高尚为主，环境都好舒服，有吧枱俾人饮杯嘢倾吓计，另外枱与枱之间嘅空间都比较阔落，私隐度都几高，我哋就拣咗角落头位。 一开始上咗法包同牛油，牛油都几香，仲夹左d盐味，我哋仲叫咗杯红酒同埋gin，微醉住食。Starters方面我哋叫咗牛肉他他配法式薯条，薯条即叫即炸，非常之香，配埋自家制酱汁，呢个系厨师特制，以雪梨，酒，醋， 茄汁，芥辣，喼汁，都几特别个㖞酸酸地又甜甜地，用嚟点薯条一流。生牛肉他他，平时最惊佢有啲血腥味，配有啲洋葱，调味，一啖薯条一啖牛肉他他，再饮啖gin ，倾住计都几爽。另外都叫咗个鹅肝焦糖炖蛋，鹅肝就食得多啦但系鹅肝焦糖炖蛋真系第一次，本身以为系炖蛋入边有鹅肝切一粒粒，原来唔系㖞 系类似鹅肝酱咁，面头就好似焦糖炖蛋咁样有一层焦糖，入边仲有少少酒味，我仲发现咗个新食法，原来用嚟点埋薯条都好好食个㖞。Seafood main 我哋就叫咗海鲜浓汤，呢个海鲜浓汤汤我想像中嘅唔一样，佢系介乎喺龙虾汤同埋忌廉汤嘅中间，有忌廉汤嘅滑，又
朋友生日，想饮啲酒庆祝吓，又想坐低倾吓计，放工喺中环H Code，见到有间新嘅餐厅，一于试吓新野。
装修风格都系以黑金色高尚为主，环境都好舒服，有吧枱俾人饮杯嘢倾吓计，另外枱与枱之间嘅空间都比较阔落，私隐度都几高，我哋就拣咗角落头位。 一开始上咗法包同牛油，牛油都几香，仲夹左d盐味，我哋仲叫咗杯红酒同埋gin，微醉住食。
Starters方面我哋叫咗牛肉他他配法式薯条，薯条即叫即炸，非常之香，配埋自家制酱汁，呢个系厨师特制，以雪梨，酒，醋， 茄汁，芥辣，喼汁，都几特别个㖞酸酸地又甜甜地，用嚟点薯条一流。生牛肉他他，平时最惊佢有啲血腥味，配有啲洋葱，调味，一啖薯条一啖牛肉他他，再饮啖gin ，倾住计都几爽。
另外都叫咗个鹅肝焦糖炖蛋，鹅肝就食得多啦但系鹅肝焦糖炖蛋真系第一次，本身以为系炖蛋入边有鹅肝切一粒粒，原来唔系㖞 系类似鹅肝酱咁，面头就好似焦糖炖蛋咁样有一层焦糖，入边仲有少少酒味，我仲发现咗个新食法，原来用嚟点埋薯条都好好食个㖞。
Seafood main 我哋就叫咗海鲜浓汤，呢个海鲜浓汤汤我想像中嘅唔一样，佢系介乎喺龙虾汤同埋忌廉汤嘅中间，有忌廉汤嘅滑，又有龙虾汤嘅浓味。另外反而佢哋海鲜浓汤除咗汤系最重点，仲有另一个重点，系有好多海鲜，有原只大虾，呢个虾非常之新鲜弹牙，好爽口，绝对唔似平时汤入边嘅霉霉烂烂，另外仲有鲈鱼，唔会过熟都算嫩。
Meat main 我哋就叫和牛侧腹肉配焦糖洋葱，薯蓉。和牛叫咗medium啱啱好，肉嘅质素算系中高，唔会咬落去有肉渣，另外煎得啱啱好，好香牛味，另外值得赞赏佢哋嘅薯蓉做得好香牛油味同埋好creamy ，
呢个好值得要同埋都会想继续encore
最后甜品我哋就叫咗朱古力雪糕配杂莓sobert，朱古力都几香浓，杂莓酸酸甜甜都好解腻，另外我哋都叫咗个柠檬挞，柠檬挞饼底好香牛油味而中间都酸酸地，啱啱好恰到好处 。
总括嚟讲呢间餐厅一嚟啱啱开新装修，环境非常之舒服私隐度好高，好适合情侣拍拖或者庆生聚会，我哋差唔多由六点食到10点 ，另外食物嘅质素都唔错，主菜有惊喜。
张贴
