Cova Ristorante & Caffe (又一城)

营业中

休息中

今朝搭紧地铁，返紧工，黑雨。公司话唔使返住先，等黑雨完咗再返。我望下线路图，喺黄大仙落咗，搭返去九龙塘，喺又一城行行企企，坐下 Starbucks ，睇下雨，打发咗一朝。到十一点零，冇黑雨嘞，公司就话下昼返。咪喺度食埋先啰。呢间 Cova ，出面睇就好奢华嘅，其实只系啲灯光黄啲啫。坐低都会问饮啲咩啊，要唔要啲果汁咁。我话水，又一时口快讲咗 sparkling。其实暖水最好：黑雨天，冷气系咁吹，我都打晒冷震，饮唔到几啖，咁又搣多一百。面包只系普通白面包，入口成糊，黐晒牙。是日餐汤喺小云吞牛肉清汤。佢哋嘅匙羹磨花咗少少。一转头，见到一位政治人物，都食紧嘢。龙虾面，有一只钳，计埋啲粒粒，应该摆咗半只落去嘅。冇咩问题，几好食。最后五百零几。就系嗌多咗支水。食埋，就好去返工啦。