影片
更多
2013-05-21
1860 浏览
其实早喺旧年表姐一家已经极力推荐我地去食Zuma个日本放题，话每位五百几蚊任饮酒任食日本料理，真系好超值。碰巧见咁耐冇见契妹，大家又咁钟意食日本野，就约埋一齐去大吃大喝一餐！做足功课o既XO仔一早知Zuma难订位，所以早两个几星期前就已经打定电话book枱。真系好奇怪，小弟第一次打去时，系闲日o既四至五点钟左右，因连续打左几次都系电话录音，话条线好忙碌，最终都系留左个电话号码，等餐厅得闲先覆我，结果都等到夜晚九点几。接线生为外籍女子，但其态度颇不友善，其英语亦实在好难理解，我有好多问题都要佢重复答案先勉强听得明。当时心谂，Zuma主客路会唔会系外国人呢，连接线生都唔洗识讲中文，顿时有个不祥o既预感。终于黎到四月七日，心急o既肥肥家族早左十分钟到。到六楼接待处登记时，哥仔解释话自助餐准一点半先会比客人入座，早到o既宾客可以先喺个酒吧度饮杯「非免费」饮品。（唔好玩啦，我地都准备以$590 + 10%食你地个任饮任食自助餐，唔通早到十分钟都要买野饮黎「自我罚款」？=。=””）搭正一点半，接待处开始叫已登记o既客人埋counter带佢地埋位。好奇怪，当轮到我地时，佢净系叫我地企喺度，但就安排其
做足功课o既XO仔一早知Zuma难订位，所以早两个几星期前就已经打定电话book枱。真系好奇怪，小弟第一次打去时，系闲日o既四至五点钟左右，因连续打左几次都系电话录音，话条线好忙碌，最终都系留左个电话号码，等餐厅得闲先覆我，结果都等到夜晚九点几。接线生为外籍女子，但其态度颇不友善，其英语亦实在好难理解，我有好多问题都要佢重复答案先勉强听得明。当时心谂，Zuma主客路会唔会系外国人呢，连接线生都唔洗识讲中文，顿时有个不祥o既预感。
终于黎到四月七日，心急o既肥肥家族早左十分钟到。到六楼接待处登记时，哥仔解释话自助餐准一点半先会比客人入座，早到o既宾客可以先喺个酒吧度饮杯「非免费」饮品。（唔好玩啦，我地都准备以$590 + 10%食你地个任饮任食自助餐，唔通早到十分钟都要买野饮黎「自我罚款」？=。=””）
搭正一点半，接待处开始叫已登记o既客人埋counter带佢地埋位。好奇怪，当轮到我地时，佢净系叫我地企喺度，但就安排其他未登记o既外籍客人入座，莫非黄皮肤就要等耐啲？！等左五分钟，见势色唔对，小肥行去counter问个究竟，点知换来接待生冷漠o既对待，似乎有歧视中国人之嫌！当时无人理睬，真系觉得又气愤又无奈！哗，再等左五分钟，当比我地迟到o既食客都已经就座时，肥肥家族终于有得落五楼埋位，点知负责我地张枱𠮶位姐姐仔态度仲加恶劣！酒水唔问就冇得饮，问两句仲黑面神上身，好似我地得罪佢咁，毫不友善！服务态度可以话系上下一心，都系咁唔欢迎食客，真系比一分服务分Zuma都嫌多（Openrice应该考虑加插一个零分比食评们选择）！Zuma位于置地，即中环核心地段之名牌广场，搭地鐡连街都唔洗出，隔离又系五星级大酒店，谂住方便得黎都算系高级啦，点知… 其五楼餐室除左楼面高之外，枱櫈都比较矮，室内空调又唔多够，感觉非常局促且唔自在！因餐厅设有室外座位，除左食客同侍应出出入入之余，亦有多只蚊虫陪伴（唔知系咪同落雨天有关呢？！），自助鱼生冇野摭挡，心觉不甚卫生。此外，排队自取食物时，近厨房暗角位有水，小肥同妈咪都险些跌倒。
话说Zuma个自助餐有两种成人收费：$490 + 10% 之不含酒精收费；$590之含酒精收费，不过只限包日本清酒Dassai 50獭祭纯米大吟酿，红酒，白酒，同Veuve Clicquot香槟。虽然小肥唔多饮日本清酒，不过都认得出摆出黎𠮶啲sake樽同餐牌上及服务生所讲o既Dassai 50獭祭纯米大吟酿好有出入啰。
身为一个精明o既消费者，小肥最终当然系选择饮香槟啦！
唔知系服务生本身质素问题，定系Zuma餐厅吝啬作风所至呢，如果我地唔主动叫人黎，根本系冇人会加酒比我地饮！Zuma个自助餐舖排分成两部份，一边系鱼生，另一边系熟食。因为人太多，两条队都毫无流动性，大肥爸爸指出，排队都排左三分一时间，安排非常失当，因此亦造成不少不守秩序o既情况，如「打尖」同一次过攞哂成碟食物走等：
鱼生地带o既前段同后段都系一模一样o既刺身拼盘，理应可以造成两个入口，增加流动性，不过Zuma似乎并不同意，只有一边摆放餐碟。Zuma o既刺身，寿司同卷物种类比小肥想像中少，可以话系同其他非全日本料理所提供o既鱼生差不多，真系几失望。最奇怪o既就系刺身o既形状，三角形得真系好非一般啰！
熟食𠮶边有串烧，蚬汤，炸鸡，杂菜，温泉蛋，冷面等等。去到龙尾则好唔夹地摆放左一大盘生蚝。生蚝系自助餐中最差o既一项，劲多沙同渣！熟食中，以串烧最抢手；唔知系因为烧得慢，烧得少，定系啲人一攞就攞好多，成日都冇哂，小肥都系睇见人地有得食烧鸡翼同烧肉丸先知有串烧供应。中肥哥哥提到，可能五楼要烧埋六楼客人散叫𠮶啲order，继而造成供不应求o既情况；如果真系咁，小弟建议餐厅及厨房自助餐时间就唔好接散枱，专心一意为自助餐煮制各款菜式。大约两点三左右，黑面神服务生催促我地落单，order每人一份o既主菜。餐牌上o既选择尚算多元化，有鱼，牛，猪，羊等。小肥觉得最奇怪就系个list后面有两三款系要加钱先可以叫，如和牛；心谂，如果要人食个五百几蚊o既自助餐 再加钱食其他食物，不如索性唔好写上餐牌比人拣啦，感觉好唔大方啰：
Hamachi Neck（油甘鱼鱼鲛）：姐仔话餐牌上o既油甘鱼鱼鲛当日”not available”。当多口问佢系咪因为我地食二轮自助餐所以冇哂货，佢继续不回应！
Gyuniku no sumibi yaki to kinoko, wafu sauce（Sirloin steak, sauteed mushrooms, wafu sauce）见好多人都叫，卖相又唔差，谂住食牛都算安全啦，所以叫左两份日式牛扒黎试。可惜，半生熟o既牛扒超韧，就连牙力劲到连碗都可以咬崩o既大肥都话「无能为力，啲肉根本咬唔烂」。
Pork Cheek（猪面额）：肉质好腍，酱汁味道正常，但因小肥唔系好钟意太腍o既肉，所以只可以讲一句「唔系我杯茶」。
Tempura Moriawase（杂锦天妇罗）：每客天妇罗都有两只虾，虾身爽口弹牙，炸粉份量唔多，炸得又够干身，掂呀！依碟天妇罗可以话系自助餐中大家都最满意o既部份，不过Zuma限定每位食客只可以叫一份主菜也未免太吝啬啦！
两点半，正当大部份客人食紧主菜时，自助餐counter已经冇乜人排队，因为counter上大部份都系吉碟，就连个生蚝盘都消失埋，串烧就更加唔洗讲啦，XO仔食左成个钟都未见过一条串烧！三点钟服务生们正式宣布自助餐快将结束，唔会再有食物供应，只会上埋个甜品拼盘，同斟添最后一次酒，三点三就收野。Zuma dessert platter for the table（甜品拼盘）：Zuma个自助餐除左主菜要拣之外，就连甜品都并非任食，小肥真系好怀疑自己系咪食紧放题！每枱客一盘甜品拼盘，人多𠮶枱个盘会大啲同多啲馅。客人要落order，工作人员先会喺厨房入面准备，需时大概10-15分钟。
拼盘入面有雪糕，蛋糕，同生果。其中雪糕会溶，所以客人必需先食；除非食生果者唔食雪糕啦，如果唔系o既话，食完雪糕先食生果，生果就变得唔够甜。再者，个人觉得Zuma以每枱客人送上一份甜品拼盘，除左小家之外，感觉仲好浪费添，因为唔系每位客人都食甜品，就算食都未必钟意Zuma比𠮶几款啰！
讲真，其他酒店提供o既自助餐除左有任食鱼生，生蚝，饭面，都会有任食龙虾，牛扒，甜品等，价钱好多都比Zuma便宜，款式更比Zuma多，加上任饮日本清酒货不对办，冇獭祭饮，所以XO仔觉得Zuma个日本放题劲唔抵食！其九流之服务及局促之室温真系食到小肥又「hing」又劳气！当小肥窃听到隔离枱客人讲左句好有意思o既感想时：”Feels like Zuma is disposing their rubbish through this brunch！”真系好有同感，食客o既高见简直系一针见血！
张贴
