豪隍點心工房 (已結業)

一盅两件而家已经愈来愈少食。难得今日朋友庆起约我去饮茶。即刻应承啦。牛肉球食落唔粉。而且马蹄量多。食落淋身之余带点爽口。喼汁亦唔会盖过牛肉球嘅味道。虾饺，皮够薄，而且只虾够大只。鸡扎，又系饮茶必点。我自己最钟意食入面块猪皮。索晒所有材料嘅味道。好好食。烧卖，我自己比较钟意食茶楼嘅烧卖。出面小食店嘅鱼肉烧卖简直比唔上茶楼嘅烧卖。肠粉系叉烧肠。叉烧份量都塞满成条肠粉。肠粉皮唔厚。叉烧亦都肥瘦均匀。食落去唔会太油腻，又唔会太清。