敏華冰廳 (荃錦中心)

营业中

休息中

今日去咗敏华冰厅食晏，平时都系食早餐多，早餐质素一向唔错，希望今日嘅午餐都唔会令人失望。早啲去到，好好彩唔使等位，餐厅环境都算开扬同企理，最紧要系干净。叫咗敏华最出名嘅黯然销魂饭，六十几蚊其实都几贵，不过唔紧要啦，新年前食好啲！我好欣赏佢嘅叉烧，肥瘦啱啱好，厚切大大件，肉质有弹性，一啖咬落去好满足。佢嘅烧烤酱亦好惹味，甜甜的，好正！佢亦配有两只太阳蛋，其实捞饭食系好食嘅，蛋黄可以令到啲饭食落去更滑更软，不过我比较钟意成只蛋放入口再咬爆佢，流心嘅感觉好正。甜豉油都好香，捞饭食一流！贵得都叫有少少道理嘅。