究極堂 (蜆殼街)

营业中

休息中

究极火龙卷($148)，上菜后会黎一段火炎效果，非常吸引眼球，但烧完后亦要小心唔好掂到盛器，因为非常热，六款卷物都是不同的，分别系左口鱼、三文鱼、带子、豆腐蟹肉蟹膏、鳗鱼、赤虾，但内里都系统一包住炸虾，全部都炙烧过，食落会有少少焦香，而炸虾有d似油炸鬼半脆半烟韧既口感。究极丼($218)，目测见到有8款食材，每一款食落都好新鲜，我个人最钟意系牡丹虾，因为够大只，而且加左豆腐蟹膏，原来味道都几夹，其他鱼生都好厚切肥美，海胆鲜甜滑溜，可惜份量唔算多，我实在太贪心想食多d。究极炎之丼($138)，大约有6款食材，全部经过火炙，食落有焦香，而且有豆腐蟹膏用黎伴饭食一流，左口鱼火炙过之后油脂味更浓郁。韩式泡菜章鱼玉子烧($78)，馅料包住泡菜，食落有辣辣地，其实几醒胃，玉子烧处理得岩岩好，内里非常滑，加埋章鱼既烟韧口感，几种口感层次加埋好丰富。抹茶牛奶朱古力($48)，朱古力甜度足够，抹茶粉不算太多，所以味道较为偏甜。白桃果酒($58)，酒精饮品，所以不会载满成杯，会容易醉，白桃味浓易入口。