龍亭

🐻👩🏻一句话好耐无食铁板烧，🐻👨🏽立刻揾下有边度好食，睇到龙亭好评如潮，即刻打电话问下，好彩仲有位，🐻👩🏻有口福啦。收工出发去到位处佐敦既龙亭，门面系霸气十足既龙亭二字，二话不说杀入去店面。坐低望下餐牌，拣左五道菜既厨师发板套餐，盛惠$588每位。前菜系格陵兰鱼子酱烟三文鱼沙律，沾上黑醋，咸香爽酸齐集，伴碟既龙珠果甜中带酸，食完好开胃。紧接而来系铁板海鲜，带子以意大利黄瓜垫底，清爽既黄瓜搭配带子既鲜甜，系一种新鲜既体验。石班鱼佐柚子酱油，鱼皮煎到香脆，鱼肉嫩滑，柚子酱油微酸既味道刚刚好点缀。鲍鱼配蒜蓉酱，鲍鱼口感Q弹，配上蒜蓉香，惹味到几啖就食完。最后系元贝佐黑椒牛油酱，香浓牛油沾满元贝，咸甜味混为一体。澳洲牛柳粒点左五成熟，配上必备的炸蒜片同手磨wasabi，特别之处系用左竹炭盐，食落口感软淋，肉味香浓，伴碟既樱桃萝卜可以去油腻感。主食系海鲜炒饭，大厨炒得好干身，鸡蛋都炒到脆卜卜，配上黑松露酱鱼子，鲜味咸香，好惹味，三扒两拨就清哂，食完成餐饭🐻👩🏻都好满意，🐻👨🏽值得赞扬。