影片
更多
2015-08-10
1764 浏览
近来大热既呢树。睇楼上劲多人黎食咁我都同几个朋友黎试下。店面不太。一入门口一眼睇晒。只有几张马蹄梳化同一行吧枱位。闲日既晚上竟然剩最后近门既一张梳化。一行四人冇理由排排坐。咁就坐呢树啦。四人刚好。每枱都有个冰柜位真系设计过。方便客人开酒。谂野食之前梗系开枝香槟饮住先。Hendrik Camphus呢枝够爽身。啱晒而家出面三十几度既天气。气泡丰富。就算过左个几钟都仲keep到。除左龙虾之外仲有生蚝。咁当然要叫黎试下。生蚝系Fine De Claire 系No. 3 。个子小小但系都算饱满。裙边同蚝身都爽身。带子位咬落更系鲜甜。法国既海水同提子汁唔知系咪有特既化学作用嫁呢？令香槟既层次系更加丰富熟成既味道更加突出。熟蚝用上左coffin bay。面层系焗到香脆既芝士。加上芒果同蕃茄。酸甜味令海水咸度变得有趣多了。蚝身受热收缩之后。更有爆炸性。一压落去蚝汁爆满成个口。龙虾三步曲开始。先黎既系小汉堡。够龙虾肉够大件。个包都盖唔住就跌出黎咁。用上千岛酱同蕃茄既酸配合包既微甜。令带海水咸味既龙虾肉味道更加立体。龙虾用厚身。爽弹之余每每系系咬下去既时候散出香甜之味。一个真系唔多够喉。有龙虾又点可以冇
近来大热既呢树。睇楼上劲多人黎食咁我都同几个朋友黎试下。店面不太。一入门口一眼睇晒。
只有几张马蹄梳化同一行吧枱位。闲日既晚上竟然剩最后近门既一张梳化。一行四人冇理由排排坐。咁就坐呢树啦。四人刚好。每枱都有个冰柜位真系设计过。方便客人开酒。
谂野食之前梗系开枝香槟饮住先。Hendrik Camphus呢枝够爽身。啱晒而家出面三十几度既天气。气泡丰富。就算过左个几钟都仲keep到。
除左龙虾之外仲有生蚝。咁当然要叫黎试下。生蚝系Fine De Claire 系No. 3 。
个子小小但系都算饱满。裙边同蚝身都爽身。带子位咬落更系鲜甜。法国既海水同提子汁唔知系咪有特既化学作用嫁呢？令香槟既层次系更加丰富熟成既味道更加突出。
熟蚝用上左coffin bay。面层系焗到香脆既芝士。加上芒果同蕃茄。酸甜味令海水咸度变得有趣多了。蚝身受热收缩之后。更有爆炸性。一压落去蚝汁爆满成个口。
龙虾三步曲开始。
先黎既系小汉堡。够龙虾肉够大件。个包都盖唔住就跌出黎咁。用上千岛酱同蕃茄既酸配合包既微甜。令带海水咸味既龙虾肉味道更加立体。龙虾用厚身。爽弹之余每每系系咬下去既时候散出香甜之味。一个真系唔多够喉。
有龙虾又点可以冇龙虾汤。店员话呢个龙虾汤系只用上龙虾同水制作。用上两整天既时间将佢浓缩成汤。第一口饮落系海水般既咸。再而系带粉既质感。分半再入口。在口水稀释之后系咸味轻了。尝到海洋既鲜味。用香槟洗刷一下味蕾。再一口系更形象化既味道。到咬下汤中既龙虾肉。终于实体化到呢一种味道。而那粉粉既感觉。同你将烤透既龙虾壳入口咬至粉碎无异。
如果用清水烚熟既龙虾鲜味系一。用水蒸既味系二。用海水烚系五。咁呢碗汤系大约二至三十左右。重口味吗？的确系既。但系绝对值得一试。好似我呢个分享版。足够回味久已！
压轴既当然要大堆头。原只近两公斤既龙虾。用上香草蒜蓉牛油去焗。未拎到埋枱香气已经攻到黎。拎起只钳就知几咁坠手。把开啲汁就滴出黎。水份保持得好。唔会焗到干之余。高温令个壳既香气充分咁散发系空气入面。
到龙虾尾。一叉就整条离壳拉出。新鲜得很。方候刚好。中间系有一点既糖心。鲜甜之美无语伦比。另外串茄亦唔好错过。焗过之后水份蒸发了。香甜更浓郁了。微微既果酸更令龙虾既鲜甜再次放大。OMG!!!
环境。食物。气氛。俱有水准。此店必红！
张贴
