茶舍 (北帝街)

营业中

休息中

今日嚟到土瓜湾北帝街呢度，土瓜湾真系一个变得好快嘅地方，自从呢度附近起咗身楼盘之后，舖头亦都焕然一新，开咗好多新嘅餐厅同埋商舖，今日就试吓呢间叫茶嘅餐厅。点咗两样嘢，分别系龙虾汤意粉同埋南瓜意大利饭。先嚟咗南瓜意大利饭先，唔会似一般茶餐厅，煮得太淋，食得出系即叫即做 ，而且材料亦都非常丰富，唔会无聊，除咗南三瓜之外，仲有蘑菇同埋各种蔬菜等等，调味亦都10分适中，也唔会太重口味。重头戏可以话系龙虾汤意粉，一碗有半只大大只嘅波士顿龙虾 ，肉质爽，虾味极浓。连个汤都可以成碗饮埋。而且除咗龙虾之外，里面仲有青口，鱿鱼同埋蚬等等嘅海鲜，非常丰富。最难能可贵嘅系咁多种海鲜生熟程度都系啱啱好，可以睇得出厨师嘅心机唔系全部一镬熟。