影片
更多
2011-01-29
35 浏览
今年冬天特别觉得漫长，亦觉得特别冻，呢种天气之下，真系令人好想成日揾野食暖下肚，不过煲仔菜煲仔饭打边炉呢几样野，大家呢排都食得太多，刚巧友人提议到九龙城食泰国菜，又可以暖下身又唔驶再打边炉，所以就突然好想返黎呢间泰式烧烤...本来泰式烧烤有个好精彩嘅烤肉拼盘，可惜我地黎早左时间，主理人话要过多二至三小时先有。可惜五脏庙实在顶唔住，唯有食住呢个泰式拼盘顶住...虾饼鸡翼同样香脆热辣，最特别系炸春卷，入面果条芋头条，简直令整条春卷锦上添花，精彩！生虾刺身系我每次到泰国菜馆必食，有次更试过四个麻甩佬，每人叫三碟佐酒，谂起都夸张！呢度嘅生虾唔系用草虾，食落无咁弹牙爽口，但胜在新鲜甜美，而个辣汁更加系非常出色，怕辣嘅我亦难忍诱惑，愈蘸愈过瘾！黎到呢度有样野一定要试，就系白灼蛳蚶！好多朋友可能因为蛳蚶果种血色汁液而唔够胆试，其实蛳蚶系一种非常精彩嘅贝类食品，佢同赤贝同科，肉质咬落既似蚬肉，又有少少似生蚝感觉，灼得刚好嘅蛳蚶肉食落去，浓厚咸味同独特鲜腥味同时爆发，实在好食！当然，始终都系海产类食品，大家量力而为会好啲！泰式烧烤嘅蚝仔蛋，绝对系不可不试嘅精彩菜式。半熟嘅蛋混入肥大饱满嘅蚝仔，放上芽菜上
本来泰式烧烤有个好精彩嘅烤肉拼盘，可惜我地黎早左时间，主理人话要过多二至三小时先有。可惜五脏庙实在顶唔住，唯有食住呢个泰式拼盘顶住...虾饼鸡翼同样香脆热辣，最特别系炸春卷，入面果条芋头条，简直令整条春卷锦上添花，精彩！
生虾刺身系我每次到泰国菜馆必食，有次更试过四个麻甩佬，每人叫三碟佐酒，谂起都夸张！呢度嘅生虾唔系用草虾，食落无咁弹牙爽口，但胜在新鲜甜美，而个辣汁更加系非常出色，怕辣嘅我亦难忍诱惑，愈蘸愈过瘾！
黎到呢度有样野一定要试，就系白灼蛳蚶！好多朋友可能因为蛳蚶果种血色汁液而唔够胆试，其实蛳蚶系一种非常精彩嘅贝类食品，佢同赤贝同科，肉质咬落既似蚬肉，又有少少似生蚝感觉，灼得刚好嘅蛳蚶肉食落去，浓厚咸味同独特鲜腥味同时爆发，实在好食！当然，始终都系海产类食品，大家量力而为会好啲！
泰式烧烤嘅蚝仔蛋，绝对系不可不试嘅精彩菜式。半熟嘅蛋混入肥大饱满嘅蚝仔，放上芽菜上面，再用烧红嘅铁板上台。卖相吸引之余，入口嫩滑，蛋味蚝味配合得非常好，食完暖笠笠，实在无唔推介嘅理由！
本来想叫呢度名物烧牛胸腹，但唔好彩地又无货，唯有食烧猪颈肉顶顶瘾。猪颈肉食落细致紧密，烧得亦够香口，可惜略嫌瘦左少少，始终要有点脂肪先至好味。
呢度嘅泰式咖喱水准相当唔错，但碍于怕辣关系，所以今次只叫左辣度较轻嘅黄咖喱同青咖喱。呢份黄咖喱炒蛏子食落鲜香无比，椰奶份量刚好，可惜蛏子肉全部跌在碟底，要辛苦打捞之下先至有肉食，下次都系食炒青口或者炒蟹会更好...至于青咖喱鸡辣味极淡，但胜在够清爽，其中入面嘅九层塔，更增添多一份香草清香味。美中不足系鸡肉份量较少，而且切得较细件，满足感绝对欠奉，好彩仲有最后杀著....
食得咖喱，当然少不了食油酥饼，油酥饼蘸上咖喱汁，特别好味。而且呢度嘅油酥饼整得相当出色，。饼身热辣辣，食落外层香脆，入口层次感十足，绝非一般泰国菜馆可以做到嘅级数，就算唔蘸上咖喱汁一样食得痛快开心，极级推介！
最后再来一碟虾酱炒通菜，令整餐晚饭变得相当完美，通菜青绿鲜嫩，炒得够软身，虾酱味刚好不呛鼻，系在泰国菜馆较少机会食到嘅优质炒菜，好味～！九龙城区泰国菜馆林立，小小一间泰式烧烤绝对唔起眼，不过以质素跟价钱来计，泰式烧烤绝对唔会输蚀比其他大菜馆，呢餐大家饮饱食醉，四人行都系五百几蚊，绝对超值抵食吧～！
张贴
