小魚兒 (寶漢大廈) (已結業)

铜锣湾行行吓街，本身都有啲肚饿再加上有个姐姐系正餐厅楼下派传单，见有优惠一于上去试吓，上到去原来地方好宽敞，仲有卡位，但最估唔到嘅就系食鸡煲、烤鱼嘅餐厅，$198一只焗蒜蓉龙虾本来都冇乜期望，但一枱见到卖相已经好吸引，食入口竟然咁好味，真系超级好食，超弹牙，非常惊喜，正😋我哋两个人叫咗半只鸡煲，点咗两条串烧同埋烧蒜蓉粟米。鸡煲会即时炒，香气扑鼻，叫咗小辣但我觉得唔够辣（下次要点中辣）但系鸡就相当嫩滑。因为点都要有啲淀粉质落肚，所以见到鱼翅捞饭只系$68 ，咁抵食，点都要试吓，上枱仲系滚热辣，好浓味仲有唔少鱼翅，真系好抵食。朋友仲话难得有一碗细嘅酸菜鱼可以叫，虽然一人份量但鱼块好多，而且味道酸酸辣辣非常开胃，今餐真系超满足，估唔到做咗咁多嘢竟然食得晒，证明真系好好味。