川莊

营业中

休息中

6点零钟嚟到好在唔洗等位，有90分钟用餐时间，时间一够职员真系会过嚟用半咸广东话Chur你走🗣，大家唔好以为可以坐多阵⋯【南充特色酸菜鱼】由于同行两个朋友唔太食得辣所以叫咗bb辣🌶。有普通鲜鱼片亦都可以加钱转桂花鱼，我哋转左桂花鱼，鱼肉更滑溜又冇鱼骨、啖啖肉。酸菜鱼本身已经附送薯粉，亦有好多唔同款式、需要收费嘅配料俾大家自由选择，我哋加咗午餐肉同娃娃菜。食酸菜鱼个汤底最紧要，”川庄”个汤底够酸但若然有多啲酸菜会更丰富。【Fried Prawns in Salted Egg Yolk and Dried Okra翡翠黄金虾球$165】即系咸蛋黄炒虾球，虾球面微脆，肉质厚实弹牙又大只，配埋咸蛋同炒更加惹味。【Sauteed Cauliflower and Celery with Dried Chill峨嵋山干锅花菜$99】虽然唔知点解关峨嵋山事，但呢碟菜系我去”川庄”必点，因为比较少餐厅有提供。花菜炒得干身加上辣辣地令人不期然一口接一口。