影片
更多
2024-09-30
2488 浏览
#20240927 🤍📍 #乐口福酒家 九龙城侯王道1-3号地舖➖➖➖➖➖➖➖➖➖➖➖➖➖➖➖➖➖#咸菜花生 $10#茶芥 $10/位💭 一班潮洲人话想揾返儿时味道，于是尼到有非常多年历史既酒楼晚饭，一入已经充满年代感，坐低会比啲咸菜花生同功夫茶开下胃，依家啲茶楼好似都无呢枝歌仔唱喇🥜.#卤水鹅 $???💭 因为一家人去食，细一辈既通常都无机会掂到menu，事后想揾返已经揾唔到佢系几钱😅只鹅系属于肥美果类，眼见块鹅皮都几厚，所以食落唔会鞋口，同埋佢真系货真价实全部都系鹅件，唔会下面塞其他野垫高佢🪿.#柠檬炖鸭汤 $108#咸菜猪肚汤 $108💭 试左两只唔同既汤，咸菜猪肚就好常见，同出面饮无咩大分别，只系佢啲胡椒重手啲相对就辣啲，柠檬炖鸭真系初尝试，好难想像柠檬同鸭加埋系咩味，所以第一啖饮会觉得怪怪地，饮饮下发觉都可以入口既，但唔建议摊冻左饮，会饮到柠檬皮阵涩味🍋.#炒薄壳 $???💭 又系一样揾唔返价钱既野食，薄壳应该真系要去呢啲专做潮洲菜既餐厅先有得食，佢就好似一粒超迷你既青口咁，千祈唔好谂靠食佢啲肉饱😂呢个菜最主要系过下口瘾同吮佢个汁，而个汁的确整得几好，好香九层塔味，又辣辣地好
📍 #乐口福酒家
九龙城侯王道1-3号地舖
➖➖➖➖➖➖➖➖➖➖➖➖➖➖➖➖➖
#咸菜花生 $10
#茶芥 $10/位
💭 一班潮洲人话想揾返儿时味道，于是尼到有非常多年历史既酒楼晚饭，一入已经充满年代感，坐低会比啲咸菜花生同功夫茶开下胃，依家啲茶楼好似都无呢枝歌仔唱喇🥜
.
#卤水鹅 $???
💭 因为一家人去食，细一辈既通常都无机会掂到menu，事后想揾返已经揾唔到佢系几钱😅只鹅系属于肥美果类，眼见块鹅皮都几厚，所以食落唔会鞋口，同埋佢真系货真价实全部都系鹅件，唔会下面塞其他野垫高佢🪿
.
#柠檬炖鸭汤 $108
#咸菜猪肚汤 $108
💭 试左两只唔同既汤，咸菜猪肚就好常见，同出面饮无咩大分别，只系佢啲胡椒重手啲相对就辣啲，柠檬炖鸭真系初尝试，好难想像柠檬同鸭加埋系咩味，所以第一啖饮会觉得怪怪地，饮饮下发觉都可以入口既，但唔建议摊冻左饮，会饮到柠檬皮阵涩味🍋
.
#炒薄壳 $???
💭 又系一样揾唔返价钱既野食，薄壳应该真系要去呢啲专做潮洲菜既餐厅先有得食，佢就好似一粒超迷你既青口咁，千祈唔好谂靠食佢啲肉饱😂呢个菜最主要系过下口瘾同吮佢个汁，而个汁的确整得几好，好香九层塔味，又辣辣地好惹味🌿
.
#潮汕煎蚝烙 $98
💭 就算唔系潮洲人，但一讲起潮洲野食相信蚝饼都系数一数二噏得出既野食，潮洲话叫蚝烙，即系慢火半煎炸咁整出尼，入面好多蚝仔，基本上每啖食落都有，而且佢真系跟足潮洲做法用鸭蛋整个浆，食落香好多🦪
.
#什菌炒牛肉 $108
#沙嗲芥兰炒牛肉 $108
💭 两个蔬菜类就比较普通左啲，两碟牛肉都嫩身既，可惜沙嗲唔够花生酱，就好似无左个灵魂咁，什菌就煮得正正常常啦，但个味道感觉有啲单调🍄🟫
.
#普宁炸豆腐 $78
💭 新鲜滚热辣咁炸出尼，外皮香脆内里又嫩滑，如果要数佢同普通既炸豆腐有咩分别既话，就一定系跟住佢上枱既香葱盐水，点完味道就丰富好多，而且会变得更加juicy～
.
#椒盐九肚鱼 $128
💭 平时食开啲椒盐九肚鱼都系一大条拎去炸，咬开入面滑潺潺咁有啲核突，但呢啲系切开左一件件，而且内里啲鱼咬落系实净既，系不一样既椒盐九肚鱼🐟
.
#酥炸虾蟹枣 $112
💭 吸取左豆腐既教训之后，食呢个就更加小心，就算摊左一阵先食入面都依然出烟，两只咬开都 见到入面既料，蟹枣有啲似鱼腐既质地🦀虾枣食落就弹牙啲，一碟满足晒两个唔同口感🦐
.
#香葱反沙芋 $108
💭 都系潮洲菜好传统既甜品之一，要首先蒸软熟左啲芋头，然后放落啲煮溶左既糖入面系咁捞，就会得出一个外表有糖脆内里软熟既甜品，不过呢啲糖份严重超标既野都系趁多人先叫碟，一人食一旧就算喇🙃
.
#九龙城美食 #🐷在九龙城 #🐷_食
张贴
