叁不館

营业中

休息中

今晚同朋友嚟到天后站嘅叁不馆打边炉， 餐厅装修充满怀旧风格， 亦有，落地大玻璃同埋独立包箱。佢哋呢排搞紧个活动，一蚊一支啤酒，一次过要买十支即系十蚊， 饮唔晒都唔惊可以留待下次帮衬， 90日内再饮。今晚试咗店员推介嘅花胶鸡汤底， 花胶同个鸡都系另上， 十分之足料。 花胶亦比想像中厚身又惊喜。海鲜方面试咗佢嘅海虾同埋帆立贝， 海虾中规中矩， 帆立贝就非常鲜甜。今晚最好食嘅分别系鲜炸脆响铃同埋手打四宝丸， 响铃即叫即炸热辣辣非常之香脆， 四宝丸分别有虾丸，鲮鱼肉丸，猪肉丸同埋牛丸。 牛肉丸充满油香，鲮鱼肉丸有淡淡陈皮味，各款都非常出色。爽滑鱼肚， 鱼肚非常厚身。新鲜猪润， 猪润洗得好 干净，唔会有骚味，食落爽口弹牙。手切封门柳， 有肉味， 适合唔钟意食太肥牛肉嘅朋友。另外仲试咗油麦菜同埋莴笋片， 人均400蚊左右，食物质素亦都对得住个价钱， 推介。