影片
更多
2024-10-13
1014 浏览
#陈记烧腊饭店 喺网上多咗好多人品提呢间陈记，话佢嘅性价比几高，坐落喺旺角新填地街街口位，价钱唔算太平民，烧味双拼饭$52，烧鹅$88以上。叫咗肥叉烧肉饭，店员话叉烧尽量肥但唔系同我讲，系同我之后嘅客讲，$52嘅双拼饭卖相几唔错。叉烧算唔算肥见仁见智，但最起码够腍见到有㶶边。烧肉佢畀咗更受欢迎嘅腩仔，可惜唔啱我杯茶，因为我唔钟意腩仔𠮶种特别嘅味道，我就系钟意烧肉少少瘦得嚟带咸香。本身冇包例汤，加一碗要$10。非常足料滚热辣，红萝卜够甜系靓料，鸡脚入味，青红萝卜汤味道唔错，单论呢碗汤$10抵比。如果净系食呢间餐厅，$62食到一个唔错嘅双拼饭加一碗热辣辣又足料嘅汤，性价比确系高。但如果对畀埋唔同区分较有名气嘅店舖，好似柴湾新桂香，上环龙邦等名气店，同样嘅食物呢度就比佢哋贵。整体嚟讲食物质素都可以，冇比较冇伤害，一比性价比即降低。仍然努力追寻心目中最爱嘅烧肉味道。陈记烧腊饭店旺角新填地街250-254号地下D号舖
喺网上多咗好多人品提呢间陈记，话佢嘅性价比几高，坐落喺旺角新填地街街口位，价钱唔算太平民，烧味双拼饭$52，烧鹅$88以上。
叫咗肥叉烧肉饭，店员话叉烧尽量肥但唔系同我讲，系同我之后嘅客讲，$52嘅双拼饭卖相几唔错。叉烧算唔算肥见仁见智，但最起码够腍见到有㶶边。
烧肉佢畀咗更受欢迎嘅腩仔，可惜唔啱我杯茶，因为我唔钟意腩仔𠮶种特别嘅味道，我就系钟意烧肉少少瘦得嚟带咸香。
本身冇包例汤，加一碗要$10。非常足料滚热辣，红萝卜够甜系靓料，鸡脚入味，青红萝卜汤味道唔错，单论呢碗汤$10抵比。
如果净系食呢间餐厅，$62食到一个唔错嘅双拼饭加一碗热辣辣又足料嘅汤，性价比确系高。但如果对畀埋唔同区分较有名气嘅店舖，好似柴湾新桂香，上环龙邦等名气店，同样嘅食物呢度就比佢哋贵。整体嚟讲食物质素都可以，冇比较冇伤害，一比性价比即降低。
仍然努力追寻心目中最爱嘅烧肉味道。
陈记烧腊饭店
旺角新填地街250-254号地下D号舖
叉烧烧肉饭
$52
65 浏览
1 赞好
0 留言
例汤
$10
90 浏览
0 赞好
0 留言
张贴
