萬發海鮮菜館

营业中

休息中

一行八人到这里食晚饭。风沙鸡1只，皮好脆但肉质比较干。豉椒炒蚬，冇乜肉，冻左之后个汁比较糊口。卤水拼盘，有墨鱼、红肠、豆付、鹅肉、牛展、鸡什、猪头肉、熏蹄，份量大。咕噜肉，个汁好浠，冇乜甜酸味，至于旧肉有啲奇怪，就系咬极都咬吾开。椒盐鲜鱿，个炸粉好厚，可以不试。啫啫芥兰煲，有获气好香口，加左大量肉碎，好食。上汤猪润菜芯，猪润厚切但熟左少少，都吾错。豉油皇炒面，有大量芽菜和洋葱，大大碟，几好食。蜜糖薯仔牛柳粒，个汁甜甜地，薯仔炸到外面包左层蜜糖而且好脆口，牛柳粒反而系配角。加左2支朝日啤酒和3罐汽水，埋单$1267，抵食。