點心到 MIX·大排檔

营业中

休息中

12月中，同朋友庆祝生日，佢选择咗小菜，太好了，又可以试间未食过嘅中菜小馆。选择呢度系因为未试过，有多好评，餐厅环境唔差，地点旺角又方便大家。我哋6人叫咗，几个小菜，待应推介龙虾伊面，记得只系2百几，出嚟份量好够，龙虾多肉，伊面都好够，同平时酒楼食𠮶啲差唔多，可以试吓，鸡煲内有蒜头，洋葱，炒理好惹味，我好钟意食啲配菜。冰镇咕噜肉，鼓椒炒蚬，飞天通菜，秋葵野菌扒豆腐都好味。地方对比旧式小菜馆，实在好好多，而且价钱唔贵，地方有方便，系一个食小菜聚会好地方。希望餐厅保持到水准。