銀座日本料理鐵板燒 (已結業)

真是太美味了，无疑系几好味嘅！啲泰国姐姐好好人，咪咪笑，唔会好似对面"小X谷"啲阿姐烘㶶面包- 黑口黑面。又平，食得开心。推介：辣椒膏炒蚬- 好香椰汁味，灵魂在于干葱起镬加埋金不换𠮶阵独特香味，啲汁劲正，大蚬反而变咗绿叶。辣度可以接受，蚬不多。腌粉丝沙律- 劲多辣椒、干葱、西芹等香菜，捞埋啲海鲜、肉碎，而粉丝索哂啲酸辣汁，非常惹味。都几辣，嗜辣嘅我都辣到声。酸酸辣辣好醒胃。烧鸡全翼- 烧得够干身，但啲肉仍然juicy，不要点泰式鸡酱，点泰式海鲜汁就哂香！以上三宝我次次都点，2人用，食完啲粉丝都够哂饱。唯一欠佳就系味精多，有时要饮多两杯冰饮。呢招系咪佢哋嘅策略呢？咁就不得而知嘞！*同意之前食客之批评- 烧牛肉太嚡，太硬。