名門私房菜

营业中

休息中

原来名门已经有17年嘅历史，地方装修简单但菜式味道就一D 都唔简单，最近正值饮食业寒冬，如果大家都想食好西就要多多支持呢D 仅存嘅小店。顺德煎酿鲮鱼 外表系一条完整嘅鲮鱼，但实际上已经酿满晒鲮鱼肉，而为左要酿满成D条鱼，足足要用3条鲮鱼先足够，加上酿鲮鱼肉嘅时候唔可以整烂鱼皮，所以系一道相当考功夫嘅菜式。整道菜入口啖啖肉，岩晒钟意食鱼但又怕鱼骨嘅人。哈哈哈芥兰煲系因为用上虾、虾干同虾酱去煮芥兰，所以得名为哈哈哈芥兰煲，整个菜味道偏浓，用黎佐饭一流！灼清菜好新鲜嘅菜，白灼嘅菜可以中和返哈哈哈芥兰煲嘅浓味 莲藕饼 & 大良炸鲜奶莲藕饼系用莲藕切成薄片后，中间酿莲藕同猪肉碎整成嘅肉块，外层脆卜卜得黎内层就松软，作为餐前小食一流！而大良炸鲜奶一样外脆内软，咬一口之后浓浓嘅牛奶就会慢慢流出，正！蛋白杏仁茶作为最后嘅甜品，而且由于系即叫即整嘅关系，对甜度有要求仲可以同店员讲TIM，非常体贴。