樂鐵板燒

营业中

休息中

今日想庆祝吓，Book咗呢间铁板烧，门口有啲神秘感，望唔到入面。服务员都好细心解释个餐牌，我地点左两个唔同餐，同埋佢个主打菜18层海胆杯。个海胆杯打卡都打咗一阵，入面配料起丰富，真系要望住个menu黎食先食先紧咩，足足有十八种，第一道已经咁吸引，令到我们对后面啲食物好期待。乐师傅每道菜式都有好特别，摆盘靓到唔舍得食，北海道鳕场蟹脚用牛油煮，超鲜甜，好耐无食过咁新鲜。全晚印象最深刻系火焰海胆甲罗烧，服务员一上菜就叫我地准备拍片，系我地面前系好大火咁烧左十秒钟左右，真系好特别，蟹盖上铺满左海胆，中间仲有啲蟹肉同鱼子，而入面啲膏好浓鲜味，咁既配搭都系第一次，食到非常满足，下次一定会介绍朋友黎。