影片
更多
2023-05-21
4029 浏览
✒懒人先睇总结-❀食物：价钱偏贵，质素普通，性价比不高。无边一道菜特别有记忆点😂❀服务：一开头会帮你加下水，后尾忙就无了❀环境：冇想像中靓，虽然食中菜但装修系欧式。用餐区域系几间唔同房仔，可能因为呢个原因店员都长期系走嚟走去。❀价钱：四人埋单$3,630 (叫咗龙虾)推荐指数: 7/10-✐ ✐ ✐ ✐ ✐ ✐ ✐ ✐ ✐ ✐ ✐ ✐ ✐ ✐✒有兴趣再详细睇-适逢母亲节，当然要带屋企人去食返餐好。唔讲唔知原来1881内嘅大楼系一间酒店，酒店内有几间餐厅，今次试一试呢间中菜厅。第一次系呢间古迹内食饭，啱哂比妈妈打卡🤣-🎈烟熏三色素鹅 ($128)食入口有淡淡嘅烟熏味，口味清新。呢一道前菜大家都几满意～推荐指数: 8/10-🎈话梅冬瓜 ($128)见唔少人话好食所以试下，对我哋嚟讲个味系唔啱食嘅。试完我会话话梅干食会好食啲😂 真系好中意食话梅嘅人，可能会觉得OK，但呢个配搭我哋唔太识欣赏了。推荐指数: 6.5/10-🎈黑蒜海玉竹炖鸡汤 (窝) ($568)黑蒜嘅味道非常重，甚至完全盖过其他材料嘅味道。饮完汤仲有汤渣可以食，不过一样系非常重黑蒜味，重到有少少Over咗😂推荐指数: 6.5/1
-
❀食物：价钱偏贵，质素普通，性价比不高。无边一道菜特别有记忆点😂
❀服务：一开头会帮你加下水，后尾忙就无了
❀环境：冇想像中靓，虽然食中菜但装修系欧式。用餐区域系几间唔同房仔，可能因为呢个原因店员都长期系走嚟走去。
❀价钱：四人埋单$3,630 (叫咗龙虾)推荐指数: 7/10
-
✐ ✐ ✐ ✐ ✐ ✐ ✐ ✐ ✐ ✐ ✐ ✐ ✐ ✐
✒有兴趣再详细睇
-
适逢母亲节，当然要带屋企人去食返餐好。唔讲唔知原来1881内嘅大楼系一间酒店，酒店内有几间餐厅，今次试一试呢间中菜厅。第一次系呢间古迹内食饭，啱哂比妈妈打卡🤣
-
🎈烟熏三色素鹅 ($128)
食入口有淡淡嘅烟熏味，口味清新。呢一道前菜大家都几满意～
推荐指数: 8/10
-
🎈话梅冬瓜 ($128)
见唔少人话好食所以试下，对我哋嚟讲个味系唔啱食嘅。试完我会话话梅干食会好食啲😂 真系好中意食话梅嘅人，可能会觉得OK，但呢个配搭我哋唔太识欣赏了。
推荐指数: 6.5/10
-
🎈黑蒜海玉竹炖鸡汤 (窝) ($568)
黑蒜嘅味道非常重，甚至完全盖过其他材料嘅味道。饮完汤仲有汤渣可以食，不过一样系非常重黑蒜味，重到有少少Over咗😂
推荐指数: 6.5/10
-
🎈川麻豆脑龙虾 ($1,360)
因为妈妈唔食辣，所以店员推荐我哋可以叫走辣，汤汁会用上汤煮成。
龙虾以每两计算。 龙虾加埋豆脑一齐食几滑溜，上汤味道都唔错。葱就未必加得太多了吧🥹，有少少喧宾夺主，盖过了龙虾嘅鲜味⋯推荐指数: 7/10
-
🎈笋壳鱼 ($498)
有几种唔同嘅做法，店员推荐最大路嘅就系油泡。其实即系炸鱼，佐料都系大量葱同自行添加嘅蒸鱼豉油。除咗口感之外，味道同平时喺屋企食蒸鱼差唔多😂
推荐指数: 7/10
-
🎈无花果咕噜黑豚肉 ($268)
无花果味道配搭甜酸酱都唔错，虽然咕噜球都脆但就冇想像中咁脆。都系普普通通😂
推荐指数: 7/10
-
🎈百宝荷叶饭 ($238)
份量就好够大，用荷叶包住不过就冇荷叶味😂 叫做有个饭一定饱肚啰
推荐指数: 7/10
-
🎈生磨芝麻卷 ($78/3件)
味道唔太甜，可能几适合老人家食。不过同样芝麻味唔重，都几清淡⋯😂
推荐指数: 6.5/10
-
🎈茗茶 ($112/4位)
去一啲稍为高级小小嘅中菜厅都会有个火热住壶茶，不过呢到就冇啦😂 而且都冇人加水，食到最尾啲茶水就开始凉凉地⋯
-
✐ ✐ ✐ ✐ ✐ ✐ ✐ ✐ ✐ ✐ ✐ ✐ ✐ ✐
✒其他小资讯
👉订位：母亲节都有空枱，应该唔难book
👉优惠：🈚️
张贴
