割烹 櫓杏 (iSQUARE國際廣場)

营业中

休息中

位于尖沙咀嘅割烹橹杏提供咗一个舒适嘅用餐环境，令顾客可以喺轻松嘅气氛下享受美食。呢间餐厅将日本嘅经典料理同现代创意结合，呈现咗一系列令人垂涎嘅菜式。今次叫咗omakase套餐，共有10贯寿司，仲有新鲜嘅刺身、精心烹调嘅烧烤、精致又美味嘅汤品等等。厨师们用上最上乘嘅食材，再用传统嘅烹调技巧将佢哋变成精湛嘅菜式。佢哋对细节嘅关注同对食材嘅尊重令到每一道菜都成为咗一件艺术品，每一啖都带俾你满足感同愉悦。最深刻印象嘅系前菜炸银杏同鹅肝，一啖食落去即刻开胃；海胆寿司俾嘅份量都好足，海胆特别肥美新鲜；蜜瓜据店员讲系熊本直送，特别甜口香脆，冬天正正系食蜜瓜嘅季节；连根馒头都好独特，第一啖完全食唔出系乜嘢，但系愈食愈上瘾。除咗食物之外，服务都值得一赞。师傅热情友善，对每一位顾客都非常细心。每上到一道菜都会逐一介绍食材，再提供点样食嘅建议。都见师傅对食材嘅知识好丰富，会讲解每道菜式嘅成分同制作过程，食之前可以更深入咁了解。