影片
更多
2009-09-27
66 浏览
星期五，又是一大班人一齐食饭嘅日子。地点系鲤景湾嘅「中意坊」。之前与太座都帮衬过一次，其五光十色嘅甜品选择令人难忘．在谈论食物质素之前，先谈其服务，有几样令笔者不吐不快。大伙儿订了七点半嘅座位，众人皆准时到达。一行七个人，需要合并一张四人枱及一张两人枱。现场所见，只有一、两枱客，但偏偏被安排在一张四人枱，隔离嘅两人枱还有客人食紧甜品。大家系唔介意等一等的，岂料服务员对我地讲坐住先，隔离嘅客人知道七点半要还枱。唔知道隔离枱嘅客人听到之后有什么感觉，但一定不好受。友人中有新生女儿，大约一岁大。小朋友，坐唔定系经常都会发生的。小朋友对餐牌十分好奇，拿来把玩一番。怎料有一位相信系老板娘嘅人前来劝告，叫友人唔好让其女儿把玩餐牌，以免整皱了。因为餐牌十分珍贵，冇得替换。餐牌是用普通颜色纸用电脑打印后过了胶的，大人要弄皱它都要费一番功夫，何况是小朋友？其次系就算真的被弄皱了，可以再印一次，所费亦无几吧！部份服务员嘅态度过份热情，变得有点矫枉造作。为了强调食品嘅独特性，用了不少形容词。如一碟盐焗鸡，声称用了法国嘅海盐、龙岗嘅走地鸡，还有不知什么地方嘅油诸如此类。食材来源地实是无从考究，但好似夸张咗一点
大伙儿订了七点半嘅座位，众人皆准时到达。一行七个人，需要合并一张四人枱及一张两人枱。现场所见，只有一、两枱客，但偏偏被安排在一张四人枱，隔离嘅两人枱还有客人食紧甜品。大家系唔介意等一等的，岂料服务员对我地讲坐住先，隔离嘅客人知道七点半要还枱。唔知道隔离枱嘅客人听到之后有什么感觉，但一定不好受。
友人中有新生女儿，大约一岁大。小朋友，坐唔定系经常都会发生的。小朋友对餐牌十分好奇，拿来把玩一番。怎料有一位相信系老板娘嘅人前来劝告，叫友人唔好让其女儿把玩餐牌，以免整皱了。因为餐牌十分珍贵，冇得替换。餐牌是用普通颜色纸用电脑打印后过了胶的，大人要弄皱它都要费一番功夫，何况是小朋友？其次系就算真的被弄皱了，可以再印一次，所费亦无几吧！
部份服务员嘅态度过份热情，变得有点矫枉造作。为了强调食品嘅独特性，用了不少形容词。如一碟盐焗鸡，声称用了法国嘅海盐、龙岗嘅走地鸡，还有不知什么地方嘅油诸如此类。食材来源地实是无从考究，但好似夸张咗一点。加上服务员时不时逗我地讲嘢，令大家嘅闲谈数度被中断，其实系几扰人的。
说回食物了，这里强调健康煮食，少盐少油，份量比较少。整体上系水准以上，比如粟米斑块嘅粟米汁很creamy，佐饭是一流的；盐焗鸡嘅鸡肉也是嫩滑的。如前文所言，甜品设计可说是花过一点心思，虽然细细件，但十分精致，味道也不错。
由于每碟𩠌嘅份量少，七个人要食九碟先叫做勉强食得饱。埋单平均每人一百二十蚊，价钱还算得上便宜。友人因女儿俾人话，食得十分唔高兴，不会再回头帮衬了。笔者觉得食物质素可以，但服务真的要认真检讨及改善。
张贴
