影片
更多
2011-08-07
651 浏览
为食嘅我又出街食饭!呢次我同啲朋友去西宝城买野,买完之后我地见肚饿,咁就决定大家一齐去食!经过我地商量,饭聚地点系海港坚尼地城店!我地食饭就钟意热闹嘅,大家应该有讲有笑!去酒楼就可以慢慢食慢慢倾,唔似得去快餐店咁各自为政!而今次去嘅海港坚尼地城店系我地平时系坚尼地城至石塘咀一带间中会帮衬嘅!我地去到果阵都相当热闹,几多人系度等位,加上佢安排座位嘅效率低,我地足足等咗40几分钟,相信呢个客量系另一间酒楼绝对唔驶等咁耐!另外食物出品亦好慢,落单30分钟后至有一款点心上枱!由等位到食饱走人用咗接近三个钟,奉劝大家唔怕晒时间至好去!坐低拎张点心纸嚟睇,发觉大部分点心都贵咗一两蚊,真系百物腾贵!呢度我地都帮衬过好几次,今次总算冇失去以往嘅水准,各方面质素都算唔错,价钱唔算太贵! 味道方面,今次4个人叫咗几款点心,结合朋友同埋自己嘅评价,味道皆算唔错!食物包括1)蒜茸蒸鲜鱿:鲜鱿几惹味,充满蒜茸香味!翼同须分配平均,配菜粉丝都几多吓!(2)四宝滑鸡扎:材料配搭应该系正宗嘅,用料都算新鲜同入味!(3)蜜汁叉烧肠:叉烧蜜味唔算突出,肥瘦适中!肠粉皮稍厚,未见晶莹剔透!(4)罗汉斋蒸鸭掌:鸭掌几肥美,唔
我地去到果阵都相当热闹,几多人系度等位,加上佢安排座位嘅效率低,我地足足等咗40几分钟,相信呢个客量系另一间酒楼绝对唔驶等咁耐!另外食物出品亦好慢,落单30分钟后至有一款点心上枱!由等位到食饱走人用咗接近三个钟,奉劝大家唔怕晒时间至好去!坐低拎张点心纸嚟睇,发觉大部分点心都贵咗一两蚊,真系百物腾贵!呢度我地都帮衬过好几次,今次总算冇失去以往嘅水准,各方面质素都算唔错,价钱唔算太贵!
味道方面,今次4个人叫咗几款点心,结合朋友同埋自己嘅评价,味道皆算唔错!食物包括:
(1)蒜茸蒸鲜鱿:鲜鱿几惹味,充满蒜茸香味!翼同须分配平均,配菜粉丝都几多吓!
(2)四宝滑鸡扎:材料配搭应该系正宗嘅,用料都算新鲜同入味!
(3)蜜汁叉烧肠:叉烧蜜味唔算突出,肥瘦适中!肠粉皮稍厚,未见晶莹剔透!
(4)罗汉斋蒸鸭掌:鸭掌几肥美,唔怕太削,罗汉斋分量颇多!鲍汁味道鲜甜,令鸭掌更加美味!
(5)酱汁蒸凤爪:凤爪皮肉厚,唔怕太削!酱汁味道突出,令凤爪更加入味!
(6)流汁奶皇饱:奶皇馅呈固体状态,未够流质!馅料嘅奶皇味道可更突出!包面就几松软!
(7)柠蜜炸蛋散:蛋散都几松化,糖浆甜度适中!可惜进食时喉咙有刺激嘅感觉,似乎味精颇多!
(8)五香咸水角:馅料肉粒及配料分量恰好,味道咸淡适中!炸物嘅皮稍厚,同埋有啲痴牙!
(9)香茜牛肉肠:牛肉分布平均,味道就较为清淡!肠粉皮稍厚,未见晶莹剔透!
(10)凤爪排骨饭:凤爪皮肉厚,唔怕太削!排骨新鲜入味,离骨易食!大部分米饭粒粒分明,唔怕太湿!
(11)鲜竹牛肉球:牛肉球有唔少葱花同马蹄,口感丰富!可惜加咗几多梳打粉,唔算真材实料!
(12)香煎萝卜糕:萝卜丝分量唔算多,味道适中!好在煎得香口,厚度适中!
(13)红油日式饺子:馅料入味,肉汁鲜甜!饺子皮厚薄适中,唔会太辣!
环境方面,呢度去年9月至开业,地方都尚算新净!佢嘅装修分为两种而家普遍酒楼嘅风格,呢一边较为豪华高贵嘅同时,另一边系较为新潮搞鬼,塑造咗两个唔同嘅区域!佢设有顾客轮座电脑管理系统(列印轮候票,萤幕显示轮座状况及自动发声叫号),自动感应水龙头,自动感应枧液机等先进设备,先进与否就见仁见智!另外佢设有多部名牌大电视机,仲系以高清数码讯号播放!呢个舖位都算几大,又唔系位处于比较旧嘅楼宇中,避免咗柱多,横梁多及楼底矮等等嘅问题,视野都几广阔!另外台凳部分放得较挤迫,部分就放得宽敞!整体总算坐得自在,始终唔应该要求咁高!
服务方面,大部分服务员工作效率同态度都中规中矩!可惜安排座位同埋食物出品嘅效率低,亦有漏单嘅情况出现!若果各个服务员有多啲笑容就更好!
卫生方面,碗碟尚算干净,地方都几企理,洗手间亦几干爽!
抵食方面,茶市时段设茶芥加一,大部分点心嘅价钱都唔算太贵,价钱可以接受!
整体嚟讲,呢度大部分点心价钱唔算太贵!至于食物,环境,服务,卫生各方面质素都算唔错,系我地嘅要求嚟讲系合格嘅!始终我地嘅要求唔高,若果唔系错得太过份,都会原谅佢嘅!当然各方面质素未系尽善尽美,仍然有改善嘅空间!食饱之后,大家就各自各离开!
张贴
