魷味 (已結業)

葵涌广场嘅一楼，有一间本来我经常去食手卷嘅舖头，但手卷店已经搬左上三楼。而家就开左呢间玉子烧，行过都见到有唔少人排队，喺好奇心嘅驱使下，我都决定去试下，睇下份玉子烧有几邪恶叫左一份「邪恶玉子烧」，本身佢已经有三种配料：芝士、玉米、蟹子，另外仲可以系以下配料度加多一款（蟹柳、烟肉、火腿、白磨菇、龙虾沙律），佢地仲系即叫即做，相当新鲜，我今次就选择左加配白磨菇。等左一阵，玉子烧好快就到手。望落去已经见到好多蟹子系面，咬落个玉子烧度，系烫口嘅，都做到每啖有白磨菇、玉米，但相对我觉得少左份芝士味。而价钱黎讲，28蚊贵左少少，如果可以调整到22蚊左右就会比较合理d。