BOM Cuisine (已結業)

近来荔枝角区愈来愈多特色食市，今次我试咗依间葡国菜餐厅。佢位置系系青山道一个转弯位既第一间，𠮶带虽然离地铁站远咗一啲，但正正系咁，所以做就咗一啲小店可以生存到。餐牌上小食占咗一版，系因为店主发现，多咗人钟意去佢度饮酒，所以推出多啲小食去配合。虽然我就无饮酒，不过都点咗两个小食。第一个系好特色，店主独家制作既冻去骨猪手配苹果酱。无谂到猪手可以配苹果酱，而且苹果酱调配到同猪手好夹，食出黎好特别，将猪手变得无咁腻，有一种清新。依个明显系配合香港人钟意食牛肉既菜色，蒜香炒牛肉粒，蒜味唔太浓，牛肉肉质鲜嫩，但牛肉味唔算好浓。重点既招牌葡萄牙烤乳猪，用铁板上淋上莎莎酱时仲炸炸声，乳猪超好味，皮脆肉厚，就算唔点酱乳猪已经好好味，皮香口而肉质嫩，好食过平时食到既乳猪好多。最后食埋个意粉就啱啱好喇，三文鱼墨汁意粉拌菠菜，意粉好够味，三文鱼无咩多余既调味，食到三文鱼本身既鲜味。依间系好有诚意既小店，有自己既特色，店主热情有礼，会主动同雇客倾计，亦好乐意分享依间餐厅既点滴，多一分人情味，好值得支持。