四川美味 (已結業)

扫街第一间，系佢地岩岩开店无耐就当开胃前菜过黎买，已经有两三个人～不过唔算多人好快就到我地～拣左个凉拌手工凉皮，净凉皮＄２５，加＄４海带丝～因为同朋友一样唔系好食得辣同芫茜，但钟意食佢其他味，所以嗌走辣走芫茜，但姐姐建议加少少辣，就听左佢讲加ｄｄ～短发呢位姐姐态度友好加灿烂笑容睇住佢系一个大铁兜捞呀捞，好快完成，好在听姐姐建议加少少辣，加左好少量辣黎吊味，如果唔辣就真系好普通一碗野～个辣岩岩好，同朋友都食到，觉得已经够哂惹味～凉皮　：几好味㖞！一片片半透明凉皮唔会溶溶烂烂，食落滑滑地，口感ＱＱ，夹起都有ｄ挺身，厚薄适中大细岩岩好，唔会食到嘴周围都汁！海带丝：爽有咬口，但系我唔太钟意，觉得成碗都系比较林身，突然有比较硬既口感好似有野银住个口咁，加上味道…麻麻地，沾唔到汁，好似独立食紧，甚至想挑走…配料　：青瓜丝挂到汁，外加带出原本清新味，成碗即刻解哂腻！菜脯酸酸甜甜爽口！。因为凉皮唔算索到汁，只算痴到少少汁，就算姐姐捞好到我地手，面中层凉皮Ｄ汁流哂落碗底，食到底会觉得有小小咸，要自己食几口就再捞一捞，青瓜﹑葱就索到汁，菜脯味重，一口夹到哂同凉皮一齐放入口就最好味！。＄２９超大碗，唔Ｓｈａ