名苑酒家 (已結業)

放假，一太清早去将军澳同亲戚饮茶。呢一间茶楼离地铁站唔算好远，有商场连接，由地铁站去到酒楼大约用咗10分钟。去到嘅时候一定要等位，等左冇几耐就入座。假日关系，全场爆满。酒楼应该唔系开咗好耐，所以装修仲系好新净，都几干净。叫咗成枱点心，有萝卜糕、叉烧包、烧卖等。点心质素中等，因为味道同一般酒楼既无分别，款式都无特别，价钱又唔算好抵食。菜饺晶莹剔透，水晶皮好烟韧。最吸引我嘅莫过于系桂花椰汁糕，睇个款真系好吸引啊！中间白色嘅就系椰汁糕，上面同中间夹层就系桂花糕，但系食落去桂花味唔突出，唔够清甜，椰汁糕又冇乜特别，唔够香，整体来讲麻麻地。