名捌月 (已結業)

同个朋友去荃湾行街，行完之后就顺便系附近揾嘢食，咁啱经过路德围，见到有间食西餐嘅餐厅门面都装修得唔错，就决定入去试下。我地2个人叫左3样嘢食，慢煮纽西兰菲力牛柳、松叶蟹肉蟹膏意粉同埋一份美式水牛城单骨鸡翼。美式水牛城单骨鸡翼，将鸡翼一分为二，好方便食，鸡翼炸到好脆好惹味，啲sauces配搭都唔错，食到停唔到口。慢煮纽西兰菲力牛柳，我地落单𠮶阵谂住叫七成熟，但老板很细心建议五成就够了，如果唔系就会比较韧。果然黎到之后食落啱啱好，个牛柳好juice ，个酱汁同个牛柳都几夹。松叶蟹肉蟹膏意粉个卖相睇落几靓，而且都几足料，食到啖啖嘅蟹肉同蟹膏。依餐整体都几满意，值得推介。