雪山冰廳

营业中

休息中

难得放假，就同姐妹周围去影下相食下野，叹返一日。之次有朋友同我提及过呢间雪山冰室，咁我地就plan好咗，系石硖尾果边相完相就行过黎食个下午茶。餐厅唔难揾到，如果仔细睇，会见到一个怀旧式招牌，可惜唔系好影到。今次我地叫左两个餐加一个小食。分别系避风塘生炸鸡脾配红豆冰、特餐(樱花虾葱花炒蛋、多士＋喇沙掺掺）配樽仔奶茶同埋一件榛子酱西多士。个人至爱：鸡脾真系要试下，肉质唔「鞋」，切开有肉汁。最钟意系佢既调味，有好少好少既辣，好香口。茶餐配既红豆冰超多红豆，红豆控必点。至于特餐，平时唔太食葱既我，接受到炒蛋入面既葱，加上虾既味道，意外地夹而佢既多士唔系普通方包，有少少似系丹麦包。掺掺汤底都唔错，虽然唔系话超级浓，但绝对系中上质素。料有鱼片、豆卜同埋虾各两件。面底有油面＋米粉，口感唔错。油面唔系㵉pat pat 果种，系比较弹牙既。加配既樽仔奶茶偏甜，不过胜在够滑。朋友系Nutalle铁粉，所以佢一早就话要叫榛子酱西多士。😏个人认为榛子酱味唔够出，糖浆有啲盖过左榛子酱味。整体黎讲好食既，想试既不防try try佢。埋单前加多支樽仔咖啡，反而咖啡甜度适中，比起奶茶，我都系钟意樽仔咖啡。