銀咖哩 (已結業)

黎商场食饭最钟意就系美食广场，原因系就算一班朋友嚟到，都有唔同选择，可以大家拣自己钟意嘅嘢食，唔一定要食同一间，而且可以嚟到先至拣，唔使出发之前就谂好食乜，啱晒选择困难症嘅人😏😏😏😏德福广场呢一个美食广场其实位唔多，但系就成日都好多人嚟，所以系呢一度揾位都系我最唔钟意嘅事。如果非繁忙时间黎可能会开心好多，但系繁忙时间就真系好难揾位🤥🤥🤥🤥🤥见到银咖喱冇乜人排，于是就食银咖喱啦。咁我今次就叫咗一个吉列海鲜卷咖喱饭。其实几好嘅，佢啲炸物系新鲜即叫即炸，不过就有少少麻烦，又要等佢即刻炸，不过唔紧要嘅，咪当顺便等下位👻👻👻有嘢食又有位就开餐啦。我觉得其实有啲寡，因为只系得白饭同一条炸虾同咖喱酱。我觉得个饭份量好足够，条炸虾啱啱炸起当然新鲜啦，炸粉都唔会太多，食入口唔会只系得粉嘅感觉，不过咖喱酱就似乎唔多🤥你知啦只系靠一条炸虾黎送饭，俾返多啲酱会开心啲🤥😂😂😂Anyway 平价餐黎讲，唔好咁要求，我觉得已经经济又实惠！