銀咖哩 (已結業)

黎商場食飯最鍾意就係美食廣場，原因係就算一班朋友嚟到，都有唔同選擇，可以大家揀自己鍾意嘅嘢食，唔一定要食同一間，而且可以嚟到先至揀，唔使出發之前就諗好食乜，啱晒選擇困難症嘅人😏😏😏😏德福廣場呢一個美食廣場其實位唔多，但係就成日都好多人嚟，所以係呢一度搵位都係我最唔鍾意嘅事。如果非繁忙時間黎可能會開心好多，但係繁忙時間就真係好難搵位🤥🤥🤥🤥🤥見到銀咖喱冇乜人排，於是就食銀咖喱啦。咁我今次就叫咗一個吉列海鮮卷咖喱飯。其實幾好嘅，佢啲炸物係新鮮即叫即炸，不過就有少少麻煩，又要等佢即刻炸，不過唔緊要嘅，咪當順便等下位👻👻👻有嘢食又有位就開餐啦。我覺得其實有啲寡，因為只係得白飯同一條炸蝦同咖喱醬。我覺得個飯份量好足夠，條炸蝦啱啱炸起當然新鮮啦，炸粉都唔會太多，食入口唔會只係得粉嘅感覺，不過咖喱醬就似乎唔多🤥你知啦只係靠一條炸蝦黎送飯，俾返多啲醬會開心啲🤥😂😂😂Anyway 平價餐黎講，唔好咁要求，我覺得已經經濟又實惠！

Piago 做到3月31日就bye bye, 最不捨food court, supermarketfood court 細細地，舊舊地。不竟都叫有個地方可以食下野，坐下 。同friend食飯唔使就大家，各有各買又可坐埋齊齊食。銀咖喱係賣相不吸引，我自己唔係好like個銀盤。但不重要，賣點先咖喱。咖喱幾香，小小辣加上蛋和芝士，好味吉列豬大大塊，好香口。加上咖喱汁，成碗清晒。野飲要加錢。Total $50左右令人懷念的food court , bye bye希望會有新good court

喺德福呢一邊食嘢其實除咗實體嘅鋪頭行遠少少嚟到二期Piago入邊都有另一個好選擇就係food court啦勝在夠多選擇不過搵位就難啲一嚟位唔多二嚟午飯時間都幾多人嚟食好矛盾呀揀完咁多間之後始終覺得銀咖喱好似抵食啲於是就叫左銀咖喱嘅一個炸海鮮棒咖喱飯因為個海鮮棒係新鮮炸嘅所以要等一段時間先至可以拎到個嘢食不過新鮮炸起又的而且確好味啲色入口夠晒趣而且唔會好多炸粉入邊嗰一夠蟹鉗夠晒大嚿配搭嗰咖哩一齊食 送飯一流呀不過價錢平就當然冇咁豐富食食下覺得有啲寡下次都係加多一個小食好啲啦😗

係德福既銀咖哩絕對係同位置比較抵食既選擇，銀咖哩選擇都唔少，基本上豬、牛、雞都齊，想當年經常係半山大學果邊食，已經抵食，咁多年價格都唔算升太多，咖哩唔會辣，連唔食辣既我都經常幫襯

中學時期放學經常和朋友到銀咖哩"打等"因為又平又好食又可以坐好耐而今日行街見到想食番中學時青春既味道對我黎講銀咖哩一定要加芝士同飲美蓮達走冰因為真係會將個美味昇華十倍以前會食幾次先加一次炸蝦因為好好味但要加十幾蚊中學黎講都叫貴啦所以唔可以次次都加咁而家出左黎做野我就當然諗都唔諗就加炸蝦啦！！等食物個陣睇下張單發現其實價錢同十年前都無乜太大既加幅炸蝦都係加十零蚊味道亦都始終如一食完都覺得自己d青春番哂黎

收工行下街洗下腦再回家，順便吃埋晚飯。去日資百貨food court， 見到銀咖喱， 想起名古屋矢場咖喱豬扒飯， 一於當自已去左日本旅行。選了招牌豬扒咖喱飯，有學生證有飲品送，hku space的也可以。仲有好多其他款飯， 也可以豪d, 叫埋蝦等等。$37 ！ 好抵。好多飯，好多汁。講番豬扒， 大大塊， 好脆， 唔柴，咖喱唔太spicy， 冇椰香（唔會印度味）。如果肥多小小就好了。當然不可以跟矢場比， 但呢個價錢吃到日本咖喱多肉飯， 超抵～！

富士山咖哩飯，份量之多，飯堆得似山高，有雙蛋、雙腸、吉列豬扒、漢堡扒，内藏芝士。因為份量多，會同男友一齊食，飽到不得了～質素一般，吉列豬扒外皮不夠鬆脆，有點硬，腸仔係普通廚師腸，漢堡扒感覺好啲，唔係薄切切。咖哩汁我都係鍾意Co Co，日式咖哩既感覺，呢度無⋯⋯#大碟抵食，但食得唔開心#不如試下自己整

最近手頭比較緊，但又唔想成日食麥記，行下行下，就走左去銀咖哩。叫左佢最平嗰個銀咖哩飯，24蚊，雖然比之前個年代貴左唔少，但無計啦，夜晚都無乜地方可以食到平價飯。不過PIAGO 人實在太多，如果唔係得我自己一個人食，都好難搵到位。我搵到位先至敢行去買飯食，買完飯都只係等左5分鐘左右就有得食，都算快手。飯量都幾足，咖哩汁好豐富，啖啖白飯都食到好濃既咖哩汁，傳統既日式咖哩既一大特點就係甜甜地又唔會太辣。好岩唔太食得辣既朋友。

講真，好多時食Food court都係又貴又唔飽的，分分鐘落去附近搵野食仲平。但有時趕住睇戲或者Shopping到興起又想快快脆脆食個飽飯，就有個好選擇。平時如果想食D飽就會去搵飯食，撞正又有大碗又有香噴噴的咖哩，真係唔洗諗即係去買黎食。今次一去到銀咖哩店面已經聞到好香的咖哩，立即就選左個睇到都留口水的招牌咖哩豬扒飯。等左大約3-4 分鐘就有，好快手。一睇到岩岩炸起仲熱辣辣的大豬扒，再有好多好多咖哩汁係度，即刻食口先。唔好以為係Food court冇好野食，呢件豬扒就真係好熱，入面Juicy，一D都唔乾身。再加上甜甜的口式咖哩真係愈食愈想食。碗飯都好大碗嫁，女仔就可能未必食得晒食個飯啦。真係又平又飽肚，咁大碗都只係$32仲可以要求加大，下次黎Shopping的時候又可以黎食啦。

今晚屋企唔駛煮飯, 搵左朋友一齊食晚飯, 我地揀左平靚正的銀咖喱,我就食左咖喱吉烈豬扒飯配薯角及橙汁,價錢 $44 每次去食銀咖喱, 食咖喱我都中意加好多,同咖喱汁好夾呀 ! 咖喱汁味道都會較濃, 所以建議要有飲品。我就揀左美蓮達,(下次講少冰, 因為冰太多)吉烈豬扒炸得比較硬, 上次食都唔差, 今次失手左 !薯角就好脆, 熱辣辣 ~銀咖喱一直都係以平價為主, 價錢吸引,所以都好多人食, 有時仲會有新菜式, 不過都比較熱氣,食完要飲返多些水呢 ~

我一向都食唔到辣，所以好少接触咖喱，特别係泰式同港式咖喱，因為即使人地話唔辣，我都辣到上天花板。最近對咖喱有啲興趣，上網搵下，發現原来咖喱都可以唔辣！例如日式咖喱，有分甜同辣～所以今日就黎銀咖喱試下啦～～呢間係位於一間日式超级巿埸内嘅food court，周圍有其实選擇如pepper lunch, 8番。但基於今日嘅目標，我一去到就一枝箭咁飛去銀咖喱。餐牌上有大約十幾款，全部咖喱！例如吉列豬配咖喱，吉列雞，海鲜，牛肉，吉列魚等～而全部都under $40!!! 唔係咁平啊嘛！日本菜wor....仲寫明可以叫不辣，辣，同大辣～加$3可以轉烏冬，加$10可以有飲品同湯～最後我揀左吉列豬咖喱飯$34～ 我同人share, 所以叫佢多食 (係唔洗加錢，除非你叫多多飯)。等左10分鐘到先有。佢係用鐵盆盛住啲飯，感覺反而有啲似飯堂……$34係咁架啦食物才是重點！睇落啲咖喱汁好似好多咁，颜色正常～吉列豬正常大少，飯好似唔算叫多飯～我二話不說就試個飯lo汁。hmmmm 我就覺得咖喱味唔濃，無乜層次感。會唔會係唔辣嘅原因？定係太稀？hmmmm 有少少失望。到吉列豬。本来我以為會乾，點知又唔係！都算ju

喺九龍灣食飯真係好貴，求其食間餐廳都要七八十蚊，而且lunch hour超多人，搵得位嚟得返半個鐘頭食。今次跟friend去咗食Piago food court!! 選擇都幾多，而且價錢大概四十幾五十蚊，價錢合理。我今次搵左銀咖喱，叫左個 咖哩芝士炸雞扒飯！咖喱，芝士，炸雞都係我好鍾意食嘅嘢，所以呢個飯真係啱晒我😂 咖喱都幾香，但有少少太咸。芝士係一塊正方形果d，都好味既，不過就無拉絲既效果... 最後炸雞都幾正👍🏻 大大塊而且好脆，裡面既雞肉好嫩滑！四十幾蚊有咁既質素，邊度搵丫🎉

無想過在德福商場可以找到大眾平民餐，價錢平，$37跟一杯汽水，在Piago food court 銀咖哩叫了個咖哩吉列豬扒飯。豬扒是即炸，選用豬排算厚身的，裹上麵包糠及炸粉油炸，最後切成數小塊，一口咬下，沒有油膩的感覺，也沒有油益味，「外脆而內軟」這形容詞雖然老套，但味道確實美味。另外咖哩汁裏加了小肉碎，吃落口咖哩口感香滑濃稠、味道甜，配上炸豬排，以這個價錢簡直抵吃。除了吉列豬排，還有其他食品值得下次一試。

日式咖喱給我感覺：甜，欠辣味。日式吉列炸物嘛，就要到那些商場裏的連鎖式食肆，還要招牌有大大的日文字，才算得「正宗」及「美味」。是日太趕時間，加上財政緊拙，又想吃點香口食物，一試九龍灣德福廣場UNY的美食廣場的「平民咖喱飯」店銀咖喱又如何?晚上7時，德福的銀咖喱卻只有1個人在忙，忙打單，忙煮食物。因其價錢便宜，亦吸引不少年青人。等了約10分鐘，食物造好了。咖喱吉列雞扒飯($30)。咖喱挺好—既有淡淡的日式咖喱的甜味，同時帶着咖喱的辣味，卻不會嗆，正合我心意。吉列雞扒是新鮮炸的，肉質鮮嫩之餘，夠熱，夠新鮮，亦吃得出曾醃過，並不馬虎。炸粉則普通，但亦算脆口。咖喱還有肉碎，拌着飯吃，提升了飯的口感。總結來說，$30，這樣的份量和質素，有上等的味道，還可以自選其他「升級優惠」，非常滿足。

平時甚少光顧商場或百貨公司的美食廣場, 總覺得又貴又難食. 今次偶然之下到了食客不多的piago內的food court, 吃到比意想中好的食物.經過銀咖喱時, 看到它的招牌咖喱豬扒飯, 只售30大元, 而且看起來也蠻不錯的, 於是點來試試. 咖喱豬扒飯的確頗大碟, 當中有半碟是汁, 足夠拌飯有餘. 咖喱是日式咖喱, 味道微微辣而偏甜. 咖喱汁內有肉碎和薯仔碎; 至於豬扒, 賣相是不俗的, 而且陫層炸的香脆, 不過炸粉太厚, 而且炸得太乾, 所以豬扒有點嚡口; 白飯水份太多, 口感太腍, 加上拌了咖喱汁, 就腍上加腍. 老實說, 這碟"招牌"咖喱豬扒飯, 用來醫肚是可以的, 因為夠大碟, 味道起碼可以入口, 而且價錢也很便宜, 30元便可以吃飽, 以現時物價來說, 還可以要求到哪裡呢?