海南

营业中

休息中

性价比极高！我地系附近番学，近近地想揾个地方食lunch，无意间发现左呢间新开既海南鸡。铺面唔太，但几企理，中午时间比较多人，都等左十分钟左右先有位。呢到既比钱方法系埋左单先食饭，我地三个人叫左两碟去骨海南鸡同一碟红烧状元蹄，野食黎得好快。海南鸡劲滑，无骨，三种酱都好好味，最中意碟姜蓉，油饭好香，唔会太油。猪蹄好淋，好入味，啖啖骨胶原。另外仲跟左碗冬瓜汤，好清甜！价钱十分亲民，五六十蚊就食得好饱，好适合想食个平靓正快餐既朋友仔！