正宗山西刀削麵皇

营业中

休息中

新开张！成日听朋友介绍呢间野，不过荃湾实在太远，最近发现观塘开左分店，劲近屋企，一于过黎试下！我地叫左两碗面同两份小食。先讲下碗麻酱手撕鸡冷捞刀削面，听闻系招牌菜，人气极高。个酱好特别，中间好似加左少少菜甫，咸咸地，同个鸡劲夹。个面好有口感，好弹牙。然后叫左碗麻辣薰蹄刀削汤面，虽然只系叫左小辣，但十分刺激味蕾，所以食唔到辣既人要小心。薰蹄切到薄薄地，肥瘦均称，腌得好入味。汤面质感比较淋，吸哂碗汤既精华。小食叫左酸椒黑木耳，凉拌莴荀，两样野都好爽口，脆卜卜，而且好够味，个汁都几特别，酸酸甜甜，好开胃。铺面企理干净，令人坐得好舒服。下次会再黎试下其他野！