COSY

营业中

休息中

又一间隐世好店！呢间野座落于长沙湾既住宅区，虽然唔近地铁站，但性价比非常值得大家一试！先讲下间店既环境，虽然地方唔大，细铺黎，但明亮干净，装修好有风格，黄灯比人好舒服温暖既感觉，令人食得好放心。我地两个人叫左一碗生牛肉汤河，一碗海南鸡汤河。一开始望落个碗好似唔系好大，仲怕自己食唔饱，点知内有干坤，超级足料，女仔可能食唔晒成碗咁济。值得一赞系，汤底鲜甜，食完唔会觉得口渴，无论系牛肉定个鸡肉都好有味道，而且肉质鲜甜！另外追加左三份小食，包括一碟菜，泰式鱼饼，泰式猪颈肉。全部十蚊一份，好适合想咩都试下但又怕食得太饱既你地。先讲下鱼饼，十蚊就有三块，热辣辣，相当抵食！味道同平时食既泰国菜差唔多，但又唔会太过浓烈。至于碟菜，千其唔好以为佢系一碟普通既菜，面头落左一堆类似花生既物体，将一碟平淡既菜升华到另一个层次，劲香劲难忘。猪颈肉都好入味，唔会太肥，点落旁边既酸甜酱简直一流！不得不提既系，店员超级nice，系香港食肆黎讲，算系买少见少啦！