影片
更多
2020-06-24
2311 浏览
父亲节，家中长辈不想如往日一般食自助餐，便挑选了哩间位于尖沙咀既金牛苑。门口有代客泊车，入去有楼梯往上下层，上层有吧台，而下层较近toilet。入去员工比较忙，未能好即时咁招呼我地。环境大致宽倘，几整洁。我地八个人，叫既菜式就比较多。嗌左一个蟹肉牛油果沙律，佢口感几丰富，有薯仔同青瓜，整体感觉清爽。分量以呢个价钱略嫌有啲少。我地又嗌左半只南乳烧鸡。烧鸡皮脆肉嫩，唔会话街边烧鸡咁干柴，非常嫩滑。个南乳酱就增添不少风味，几好食！令人意外既就系佢摞金针菜垫底，啲金针菜唔会好似一般咁煮得酸，个汁好入味。法式牛柳粒几有惊喜，调味恰到好处，口感嫩滑。入味几足，very good！黄金软壳蟹不错，蟹肉鲜嫩，油炸咸蛋黄外壳足味而不腻，咸蛋黄味相当之好食。XO酱虾球就意料之外地辣，但整体不错。焗南瓜海鲜饭就南瓜味浓郁，口感creamy，非常好食!海鲜分量算不错，相当之推荐！鳗鱼金粟炒饭，炒饭粒粒分明，粟米令整体炒饭较为清新，都系相当之推荐。鳗鱼调味不错，整体几好食。红酒烩牛尾，整体调味不错。牛尾软嫩入味，ok既。雪花炸香蕉，啲香蕉比较软烂，有啲略嫌甜过头，有进步空间。总括而言，哩间金牛苑整体食物不错，服
我地八个人，叫既菜式就比较多。嗌左一个蟹肉牛油果沙律，佢口感几丰富，有薯仔同青瓜，整体感觉清爽。分量以呢个价钱略嫌有啲少。
我地又嗌左半只南乳烧鸡。烧鸡皮脆肉嫩，唔会话街边烧鸡咁干柴，非常嫩滑。个南乳酱就增添不少风味，几好食！令人意外既就系佢摞金针菜垫底，啲金针菜唔会好似一般咁煮得酸，个汁好入味。
法式牛柳粒几有惊喜，调味恰到好处，口感嫩滑。入味几足，very good！
黄金软壳蟹不错，蟹肉鲜嫩，油炸咸蛋黄外壳足味而不腻，咸蛋黄味相当之好食。
XO酱虾球就意料之外地辣，但整体不错。
焗南瓜海鲜饭就南瓜味浓郁，口感creamy，非常好食!海鲜分量算不错，相当之推荐！
鳗鱼金粟炒饭，炒饭粒粒分明，粟米令整体炒饭较为清新，都系相当之推荐。鳗鱼调味不错，整体几好食。
红酒烩牛尾，整体调味不错。牛尾软嫩入味，ok既。
雪花炸香蕉，啲香蕉比较软烂，有啲略嫌甜过头，有进步空间。
总括而言，哩间金牛苑整体食物不错，服务有进步空间而价钱略为昂贵；平时唔会食但有事庆祝食下都无妨。
张贴
