更多
2020-07-10
1090 浏览
麒艺馆又到中午食好野既时候,有 friend 话麒艺馆可以试下,咁就去试下啦。两个人坐低叫左四碟𩠌,中午来讲都唔好话少野。一个小笼包、和牛肉松炒饭、唐酒花胶蟹肉同通菜。有好有唔好啦。点菜时,服务员一开波就叫我地叫乳猪,但系 2 百几蚊食几旧猪,真系唔舍得,最后叫左炒饭,起码抱肚 d。首先讲小笼包。高级野就系高级野,小笼包一份系得 2 件,两个人食既话要叫返两客先得。皮薄馅靓,又多汁,比一般连锁店好 dd,可以试下!和牛肉松炒饭就不得了啦。佢地用珍珠米来炒,炒饭就系最紧要一粒粒,唔系黏埋一齐。牛肉好香,中间又有 d 秋葵隔一隔,无咁油,唔错唔错。至于个花胶,花胶系靓野,非常厚身,同胶,又实净,同其他地方食既唔同。个人认为酒味可以浓 d,虽然有蟹肉,但系带唔到落蛋白度,始终觉得差一 d 野。菜呢,就 standard 野,唔多讲啦。咁样食个人落楼 260,感觉有 d 贵。
又到中午食好野既时候,有 friend 话麒艺馆可以试下,咁就去试下啦。
两个人坐低叫左四碟𩠌,中午来讲都唔好话少野。一个小笼包、和牛肉松炒饭、唐酒花胶蟹肉同通菜。有好有唔好啦。点菜时,服务员一开波就叫我地叫乳猪,但系 2 百几蚊食几旧猪,真系唔舍得,最后叫左炒饭,起码抱肚 d。
首先讲小笼包。高级野就系高级野,小笼包一份系得 2 件,两个人食既话要叫返两客先得。皮薄馅靓,又多汁,比一般连锁店好 dd,可以试下!
和牛肉松炒饭就不得了啦。佢地用珍珠米来炒,炒饭就系最紧要一粒粒,唔系黏埋一齐。牛肉好香,中间又有 d 秋葵隔一隔,无咁油,唔错唔错。
至于个花胶,花胶系靓野,非常厚身,同胶,又实净,同其他地方食既唔同。个人认为酒味可以浓 d,虽然有蟹肉,但系带唔到落蛋白度,始终觉得差一 d 野。
菜呢,就 standard 野,唔多讲啦。
咁样食个人落楼 260,感觉有 d 贵。
张贴