堅信號上海生煎皇 (花園街) (已結業)

坚信号上海生煎皇唔声唔声已经开左好多间分店, 今日行过见到有小丸子主题, 比佢吸引左入去, 入到去仲靓呀四围都系小丸子角色! 星期五晚饭时间真系人头涌涌, 满哂座, 拿拿声叫野食先!酸辣汤云吞酸辣度都OK, 系香港人口味, 食落唔会好确喉, 不过个人喜欢酸D辣D!  材料有豆腐, 肉丝, 木耳, 荀, 应有既都有齐。云吞则有水准, 皮好薄又唔会一夹就散,  菜肉馅料饱满, 质感爽口。坚信号生煎包相信冇乜人入到黎系唔会嗌, 生煎包皮底部煎得香脆, 一咬就爆汤汁, 始终系招牌, 有一定水准! 小笼包小笼包同生煎包做既原理差唔多, 依度既生煎包咁出色, 小笼包应该都有一定水准, 小笼包热辣辣出笼, 入口同生煎包一样爆汤, 而且好有肉香, 小心辣口呀~饮埋罐雀柠, 见门口好多人等位就快快埋单LU~