海港酒家 (已結業)

原本谂住请朋食泰国菜庆祝生日，不过晚巿开返后都好多人外出食晚，我哋八点到餐厅要等位但系晚巿只可营业到晚上十点，所以最后拣咗呢间比较少人嘅酒楼。对上一次嚟已经年几前，我哋一行四人，3大人1小朋友叫咗个4人餐，小朋友剩系食白饭。三人食份量满意，味道亦几好，价钱公道，不过成8:30先到，食个半钟有啲赶。拣咗呢个餐，花胶珍菌千层腐皮无晒，转咗南瓜炆海参。上汤焗虾球伊面，个汁都几厚身，不过唔会太咸，虾肉都几大只爽口。西兰花炒带子，带子唔系好大粒，不过都几多，唔会片到好薄身，亦唔会好似平时咁每人得1-2粒。脆皮酱烧鸡(半只)，皮脆肉滑，好味。陈皮蒸大连鲍鱼(八只)，有啲细只，但都新鲜弹牙。南瓜炆海参，南瓜炆唔淋，海参极少又细片。清蒸沙巴龙趸斑(约二斤)，蒸得啱啱好，好滑。每人一个蛋白炖燕窝做甜品，唔知真定假，舖上面嘅燕窝份量都好多吓。