祺森冰室

营业中

休息中

Weekend无咩地方去，就入左坪洲行下。见差唔多下午茶时段，想食啲野，就见到呢间茶餐厅几多人排队，吸引左我过去睇。睇完餐牌都唔错就开始排队。排左一阵都好快有位坐，唔洗等好耐。叫左个出色嘅虾多士同西多士，虾多士有四件，炸得几香，下午茶食呢啲轻食就最啱喇。西多士都几厚，上层放左一大片牛油，中间仲有一层花生酱，再落糖浆一齐食，真系好满足好饱。呢到嘅奶茶同红豆冰都唔错，奶茶茶底浓香，红豆冰嘅红豆都煮得几软。