寬巷子 (已結業)

平时下午茶tea set食唔少，打边炉版就真系第一次！宽巷子嘅「子午后•百艳茶宴」($580/2)造型已经够吸引，仲要有唔少创意料理，绝对唔敷衍～事前book位要特别讲定window seat (得3张枱)，就可以欣赏埋海景景色，几写意！等我介绍吓三层嘅美食，全部都系渌落去个锅度㗎！

上层：澳洲和牛牛舌花、墨鱼朵花、以及松板枝香花中层：(创意料理) 怀旧台式月饼糕、糖葫芦、墨条牛轧、凤梨酥、菠菠糖下层：花团锦簇蔬菜加钱叫咗鸳鸯锅，咁就一次过可以试哂佢2个汤底：「东方美人」(滋润猪骨浓汤)同「元珠小染」(小辣)～汤底都几好饮，入面都已经有啲料～店员有讲解边啲要渌几耐，临尾先食个牛舌花因为要等佢解冻，同埋个糖葫芦因为佢出面层糖会溶而「污染」个汤底～出奇地食物质素几好又新鲜，连啲菜都好味！创意料理睇落好得意，但要渌落去就觉得奇怪－月饼糕渌耐咗所以烂烂地，入面食落似咸水角个馅；糖葫芦入面其实系海虾＋猪肉；墨条牛轧就系墨汁＋花枝＋鸡软骨；凤梨酥系豆腐＋虾＋猪肉＋花枝滑等等（但真系食到啲甜甜地菠萝咁嘅嘢，几有惊喜）；菠菠糖就系豆皮＋白芝麻＋菠菜～ Overall都唔错，值得一试！另外有玫瑰高山清