影片
更多
2021-07-03
656 浏览
系网上见到呢间米芝莲推介良心餐厅，毫不犹豫bookmark左😎😎提早一个月book位，顺利book到weekend lunch庆祝拍拖纪念日>.<每次上菜前侍应都会简单介绍个餐点，令食客更加了解食物嘅内容同大厨嘅心思。座位可以清楚睇到厨房嘅运作，可以望住食物由制作到送到眼前，唔单止赏心悦目，好似参与左整个过程，令食客感觉更加投入;P🥖 🥖🥖一点完菜侍应随即上左我嘅至爱——餐包🥰 呢个餐包就唔系一啲正宗嘅酸种面包，而系比较软身香口嘅面包，比较符合大多数香港人嘅口味，同埋有跟啲香草Sour cream同埋好常见嘅橄榄油加黑醋， 两只同个面包都好夹。🥗Garden Salad $88呢个系田园沙律，换言之即系一啲肉都冇 全部都系菜==但以$88呢个价钱来讲个性价比就唔够高啦，佢个酱汁亦都唔系特别浓郁相对比较清淡，适合一啲keep fit人士 ;P是日餐汤 ＄38呢个薯仔忌廉汤可以食得出好香嘅薯蓉味道，入口顺滑，味道浓厚，调味唔会过咸过淡。过关😆😆🍤Handmade Tagliolini with Half Boston Lobster, Seafood Sauce $298终
每次上菜前侍应都会简单介绍个餐点，令食客更加了解食物嘅内容同大厨嘅心思。
座位可以清楚睇到厨房嘅运作，可以望住食物由制作到送到眼前，唔单止赏心悦目，好似参与左整个过程，令食客感觉更加投入;P
🥖 🥖🥖一点完菜侍应随即上左我嘅至爱——餐包🥰 呢个餐包就唔系一啲正宗嘅酸种面包，而系比较软身香口嘅面包，比较符合大多数香港人嘅口味，同埋有跟啲香草Sour cream同埋好常见嘅橄榄油加黑醋， 两只同个面包都好夹。
🥗Garden Salad $88呢个系田园沙律，换言之即系一啲肉都冇 全部都系菜==但以$88呢个价钱来讲个性价比就唔够高啦，佢个酱汁亦都唔系特别浓郁相对比较清淡，适合一啲keep fit人士 ;P
是日餐汤 ＄38呢个薯仔忌廉汤可以食得出好香嘅薯蓉味道，入口顺滑，味道浓厚，调味唔会过咸过淡。过关😆😆
🍤Handmade Tagliolini with Half Boston Lobster, Seafood Sauce $298终于到今日嘅大佬！！呢个龙虾意粉餐厅前一日会问你会唔会预订所以如果要嘅话呢就要前一日book定㗎喇
首先一上菜已经俾佢嘅香味吸引。入口佢个手工意粉就系比较香港人嘅口味，唔算特别al dente，但系都十分有质感，弹牙有面粉香。 佢个意粉汁系用浓厚嘅海鲜汤底熬制再加上酸酸味味嘅小蕃茄食，好鬼开胃。套餐嘅半只龙虾都都处理得十分之恰当，但系略嫌龙虾肉有少少overcooked。不过味道搭救，整体上都有系有惊喜嘅！！呜依家睇返好想食T.T
🍝Homemade Tagliolini Carbonara $168
面身都系同龙虾意粉嘅面一样，亦都系未够al dente比较啱香港人口味啦。 但佢个汁就十分之浓郁用咗蛋汁同埋芝士调制而成，再加上咸香味十足嘅猪面颊肉，组成左道正宗而令人难忘嘅卡邦尼意粉。
🍋柠檬蛋白挞 +$58薄薄一尘柠檬馅，面头加上烧焦的蛋白，酸度啱啱好。挞皮唔算特别香脆，但整体配合起来都在水准之上。 甜品仲会跟埋椰汁sorbet，呢个就相当特别，钟意椰汁嘅朋友一定唔好错过🥰
张贴
