影片
更多
2021-07-09
5462 浏览
六月尾赶住咁去咗食一间俾人好高级感觉嘅食肆，佢就系夜上海啦 👍里面嘅人好似都系著住闪闪发光嘅晚装，饮住杯酒🥂，向舞池跳舞💃，好鬼吸引。因为门外宣传话有四人套餐，而且抵到飞起，立刻问朋友有无兴趣，而朋友亦好快覆实，就马上Book位去食啦👏👏👏。虽然我哋无衣香鬓影咁去夜上海，但内心都十分期待，经过长走廊入到大厅，内里嘅人已经热哄哄咁交头接耳，侍应带我哋去到友人早已入座嘅座位，地方好舒式，有高贵嘅感觉，侍应问我哋想饮乜嘢，蔗汁🎋定豆浆🥤，哗真系令我觉得好惊喜，我就选择蔗汁，系咪老上海会用蔗汁醒胃，然后享用跟住落嚟嘅美食，搞到我好期待🤩。我哋四人都系食得嘅人，所以加多咗三个前菜，🐖蒜泥白肉，炸脆鳝， 🥚黑松露烟熏蛋，排骨，🦪冰镇醉鲍鱼，肴肉，好似第一次食上海菜咁，每样都好有惊喜，白肉唔会因蒜泥变得辣👍，脆鳝就香口非常👏👏，甜美，一级美食，熏蛋当然系糖心😘，排骨酥香😋，肴肉真心系松软甜美，鲍鱼更加系秒杀🥰，微微酒香加上鲍鱼嘅香味，唔会抢走大家嘅感观，平衡，呢几个前菜就做到晒啦。跟住上辽参鲍翅响螺汤🥣，等我清下口腔，甜美，有鸡脚嘅骨胶原，配合海参，翅嘅清新，满足咁去等待下一位主角出场😇，佢就系酒酿
跟住上辽参鲍翅响螺汤🥣，等我清下口腔，甜美，有鸡脚嘅骨胶原，配合海参，翅嘅清新，满足咁去等待下一位主角出场😇，佢就系酒酿花雕蒸银雪鱼🐟，酒香扑鼻，但完全唔会太过份，刚刚好，鱼好滑，但又好挺身，甜美香滑，💯嘅美食。
干烧明虾球🍤，虾肉弹牙，炒到个汁刚刚贴住D虾球，多一D留低碟上面都无，厨师功力犀利。蟹粉酿蟹盖🦀有D取巧，因为唔系用真蟹盖，但完全系无所谓，因为蟹粉就系用个蟹盖碗盛满佢，好好食😝。 咸肉香干青龙菜，我第一次见青龙菜呢个名，原来系佢，呢处我唔穿桥🤫，因为佢好特别，味道唔会太浓，几好味。冻馄饨，特式好味道，如果多D就好啦，流晒口水🤤，再嚟甜品蛋白燕窝杏仁茶，有乜好讲都等我食埋先讲，蛋白香滑燕窝足料甜美杏仁茶唔会太大阵杏仁味，完美🤗。个餐我会用平衡嚟形容，好耐都无试过咁好食同咁平衡，希望七月又有新菜式可以再嚟食啦，最后我哋见邻桌有传统甜品高力豆沙，我哋饱住都点多一份，美满嘅感觉，系锦上添花，期待下次再食🤭
张贴
