麺処一家 (已結業)

厚福街好多餐厅选择，今日想食拉面，而且见唔洗等位，就入黎试下。一碗都唔平，三款选择，$98起跳，溏心蛋另加$10，加完一碗都要过百蚊。汤底系我钟意的浓厚豚骨鱼介酱油味，都几期待。☞妹の选択其实系慢煮猪肩肉，肉味比较浓，肉质滑啲，冇咁多肥肉部分，拉面系幼身面，面质普普通通。汤底亦冇我想像咁浓郁，虽然都唔差，但唔太挂面。☞料理长の选択慢煮猪肩肉加火灸猪腩肉，火灸猪腩肉比较香啲惹味啲，但相对肥腻啲。整体觉得价钱贵左少少，但店员好细心，见到长头发的女食客，会主动送上橡筋绑头发。