淥鼎記

营业中

休息中

朋友介绍咗创兴广场嘅渌鼎记火锅放题唔错，于是今日放假就同老公一齐出去试吓啦！呢间餐厅主要以卡位为主坐得好舒服，唔会好似其他火锅放题咁迫咁有压迫感。我哋试咗呢度嘅小宝套餐， 7:30前埋单只需要$228再加一任食两小时，佢哋仲可以另外加$28转做酸菜鱼、鸡煲或者椰子鸡锅等等，但系我钟意食麻辣火锅，所以就叫咗鸭血麻辣锅，麻辣锅底够麻够辣仲有好香嘅花椒味，佢哋亦有四款前菜包括炸花生甜腰果、鸡翼尖、木耳同埋炸鱼皮。肉类方面可以任叫肥牛、牛板翼同埋牛板腱，呢三只牛嘅肉味都唔错，我就钟意牛板腱同埋牛板翼，所以都叫咗好多碟🐮呢度亦都有手打墨鱼丸，细细粒但系好有鲜味，呢度仲有唔同嘅饮品包括左不同嘅汽水仲有两款特别嘅竹蔗茅根同埋洛神花茶，杯入面真系有啲茅根系入边㗎！足料又够晒清热，酱料方面有超过十款同埋出面有好多唔同嘅火锅食材，包括左有我最钟意嘅鸭血、水鱿鱼、莴笋、蟹柳、薯粉、龙虾丸等等….仲有一啲新鲜包嘅云吞同鱼皮饺😋呢度好啱情侣或者朋友嚟，坐位私隐度高亦都干净企理，服务员收碟快，性价比高下次可以再嚟试吓唔同嘅锅底。