喰楽

营业中

休息中

疫情完结，去完日本一转，食完寿喜烧之后返到香港心思思想再食，竟然俾我揾到隐世喺观塘工厦嘅寿喜烧舖头。呢个铺餐厅系位于骆驼漆3期，一啲都唔难揾之余，当你一入到去间舖头度，系浓浓嘅寿喜烧味扑向你度。好彩我哋有book位，因为间餐厅整体上得四张枱可以做生意，每张枱有四个位置，容纳唔算多，但起码可以多啲同职员沟通。我同老公拣咗和牛盛宴，大概六至七个部位左右，每一道菜职员都会喺你哋面前帮你煮，第一度肉，系和牛嘅肩胛位，一食落口，简直震惊咗我嘅神经，呢个位置本身好淋口，仲有入口即溶嘅感觉，香浓既味肉充斥住我成个口腔，配埋兰王蛋滑上加滑。之后呢每一块肉职员煮之前都会好细心咁样介绍个部位同埋佢个质感，边个位油脂重啲，边个位肉质弹口啲，职员都清楚了解，非常专业。而每块肉都会唱一个素菜去煮，分别有豆腐，冬菇，京葱洋葱等等，全部都系可以吸晒寿喜烧酱汁嚟食。当我以为得六，七块牛应该唔够饱嘅时候，原来食到第七块都已经非常之满足，最后职员仲有一个寿喜烧牛肉炊饭，初时我担心个饭应该会好咸，但完全唔系，蛋同寿喜烧汁包住白饭，将个饱腹感再一提升，最后有埋绿茶雪糕作结，简直将呢一餐画上圆满嘅。